சிறை பிடிக்கப்பட்ட ஏழு இந்திய மீனவர்கள்; மீட்டுக்கொண்டு வந்த கடலோர காவல் படை

இந்தியாவின் குஜராத் மாநிலத்தைச் சேர்ந்த படகில் ஏழு இந்திய மீனவர்கள் நடுக்கடலில் மீன் பிடித்துக்கொண்டிருந்தனர்.

குறித்த மீனவர்கள் ஏழு பேரும் எல்லைத் தாண்டி மீன் பிடித்ததாகக் கூறி பாகிஸ்தான் கடல் பாதுகாப்பு அமைப்பினர் அவர்களை கைது செய்துள்ளனர்.

அத்தோடு நிறுத்தாமல் இந்திய மீனவர்களின் படகுகளையும் நடுக்கடலில் பாகிஸ்தான் படையினர் மூழ்கடித்து விட்டனர்.

இத் தகவல் இந்திய கடலோர காவல் படைக்கு தெரிய வந்ததையடுத்து, பாகிஸ்தான் கப்பலை விரட்டிச் சென்று அவர்கள் பிடியில் இருந்த ஏழு இந்திய மீனவர்களையும் மீட்டுள்ளனர்.

இதனால் நடுக்கடலில் மோதல் சூழ்நிலை உருவானது.

இருப்பினும் மீட்கப்பட்ட ஏழு இந்திய மீனவர்களுடன் இந்திய கப்பல்  ஓகா துறைமுகத்துக்கு திரும்பியுள்ளமை குறிப்பிடத்தக்கது