இதுவரையில் 497 இந்திய மீனவர்கள் கைது!

இவ்வாண்டின் ஜனவரி மாதம் முதலாம் திகதி முதல் கடந்த 12ஆம் திகதி வரையில் கடற்படையினரால் மேற்கொள்ளப்பட்ட சுற்றிவளைப்புகளின் போது இலங்கை கடற்பரப்பில் அத்துமீறி மீன்பிடியில் ஈடுபட்ட குற்றச்சாட்டில் 66 இந்திய மீன்பிடி படகுகளும் 497 இந்திய மீனவர்களும் கைது செய்யப்பட்டுள்ளனர்.

யாழ்ப்பாணம், சுண்டிக்குளம் கடற்பரப்பில் கடந்த 12 ஆம் திகதி செவ்வாய்கிழமை கடற்படையினரால் மேற்கொள்ளப்பட்ட விசேட சுற்றிவளைப்பு நடவடிக்கையின் மூலம் 12 இந்திய மீனவர்கள் இந்திய மீன்பிடிக் கப்பலுடன் கைது செய்யப்பட்டுள்ளனர்.

மேலும் , வெளிநாட்டு மீன்பிடி கப்பல்கள் நாட்டின் கடற்பரப்பை அத்துமீறி மேற்கொள்ளும் சட்டவிரோத மீன்பிடி நடவடிக்கைகளை அடக்கி உள்நாட்டு மீனவ சமூகத்தின் வாழ்வாதாரத்தை பாதுகாக்க கடற்படை வழமையான நடவடிக்கைகளை மேற்கொள்ளும் எனவும் கடற்படை தலைமையகம் தெரிவித்துள்ளது.