உலகின் சக்திவாய்ந்த உளவு அமைப்புகள்…ஊடுருவி பழிதீர்க்கும் இஸ்ரேலின் மொசாட்!… ஐங்கரன் விக்கினேஸ்வரா

ஓர் நாட்டின் பாதுகாப்பு என்பது காவல்துறை மாற்றம் இராணுவத்தை மட்டும் சார்ந்ததல்ல, அந்த நாட்டின் உளவு அமைப்புகளையும் பொறுத்தது.

ஆயினும் உலகில் சிறந்த உளவு அமைப்புகளில், அமெரிக்காவின் சிஐஏ(CIA), முன்னைய சோவியத் யூனியனின் கேஜிபி (KGB) ஆகியவற்றை விஞ்சிய உலகின் அதி சக்திவாய்ந்த உளவு அமைப்பாக இன்றும் விளங்குவது இஸ்ரேல் நாட்டின் உளவு அமைப்புதான் மொசாட்.

உலகில் உள்ள அனைத்து உளவு அமைப்புகளுக்கும் முன்னோடி என்றே கூறப்படுகிறது இந்த இஸ்ரேல் நாட்டின் மொசாட் உளவு அமைப்பு. உலகிலேயே மிக திறமையான மற்றும் அதிபயங்கரமானதாக அனைவராலும் கருதப்படும் உளவு அமைப்பு மொசாட்.

மத்திய கிழக்கில் பதற்றத்தை உருவாக்கியுள்ள ஹமாஸ் மற்றும் ஹிஸ்புல்லா தலைவர்களின் கொலைகளின் பின்னணியில் யார் இருந்திருப்பார்கள் என்பது அனைவருக்கும் வெட்ட வெளிச்சமாக தெரியும்.

சி.ஐ.ஏ. வையே உளவு பார்க்கும் மொசாட்:

இஸ்ரேல் மக்கள் தொகையிலும், பரப்பளவிலும் சிறியதொரு நாடு, ஆனால் ராணுவத்தில் உளவு துறையில் அனைத்து நாடுகளுக்கும் முன்னோடி இஸ்ரேல் தான்.

உலகில் உள்ள அனைத்து உளவு அமைப்புகளுக்கும் முன்னோடி என்றே கூறப்படுகிறது இந்த இஸ்ரேல் நாட்டின் மொசாட் உளவு அமைப்பு. உலகிலேயே மிக திறமையான மற்றும் அதிபயங்கரமானதாக அனைவராலும் கருதப்படும் உளவு அமைப்பு மொசாட்

அமெரிக்காவின் சி.ஐ.ஏ. வையே உளவு பார்க்கும் உளவு துறை என்றும் கூறப்படுகிறது. ஆரம்பத்தில் அமெரிக்காவிடம் தான் பயிற்சி பெற்றது மொசாட் ஆனால் இப்போது அமெரிக்கா சி.ஐ.ஏ.வே ஆச்சரியப்படும் அளவிற்கு மொசாட் வளர்ந்து உள்ளது.

இஸ்ரேலுக்கு எதிர் காலத்தில் எதிரி ஆவான் என்று மொசாட் யாரையாவது எண்ணினால் ஆரம்பத்திலேயே அந்த அமைப்பை அழித்து விடும். 1972ம் ஆண்டு மியூனிச் ஒலிம்பிக் போட்டியில் பங்கேற்ற இஸ்ரேல் வீரர்கள், பயிற்சியாளர்கள் 11 பேர் பாலஸ்தீன போராளிகளால் கொல்லப்பட்டனர்.

இந்த சம்பவத்திற்குக் காரணமான ஒவ்வொருவரையும் பழிவாங்கி விட்டுதான் இஸ்ரேல் அமைதியானது.

அண்மையில் ஈரான் அதிபர் இப்ராஹிம் ரைசி பயணித்த ஹெலிகாப்டர் விபத்துக்குள்ளானதாக கூறப்பட்டாலும் இஸ்ரேலின் மொசாட் உளவுப்படை சதி செய்து அழித்திருக்கலாம் என்கிற சந்தேகம் வலுவாக இருக்கிறது. ஆனாலும் ஈரான் அதிபர் ரைசியை படுகொலை செய்யவே இல்லை என இஸ்ரேல் சொல்கிறது.

நாட்டின் பாதுகாப்பும் உளவமைப்பும்:

நாட்டின் மீது நடத்தப்படும் மறைமுக தாக்குதல்களை தடுப்பது நாட்டில் அசம்பாவிதங்கள் ஏற்படாமல் பாதுகாப்பது என உளவு அமைப்புகளின் வேலையும், அவசியமும் ஒவ்வொரு நாட்டுக்கும் இன்றியமையாததாகும்.

துரதிர்ஷ்டவசமாக இவர்களைப் பற்றி யாருக்கும் தெரிவதில்லை. ஒவ்வொரு நாடும் அவர்களுக்கென ஒரே உளவு அமைப்பை வைத்திருக்கும். அனைவருக்கும் புரிவது போல சொல்ல வேண்டுமென்றால் இங்கு வேலை செய்பவர்கள்தான் உண்மையான கதாநாயகர்கள் (True Hero’s).

அனைத்து நாடுகளும் உளவு அமைப்பை வைத்திருந்தாலும் சில நாடுகளின் உளவு அமைப்புகள் மட்டும் அவற்றில் சிறந்தவையாகவும், பலம் வாய்ந்தவையாகவும் இருக்கும். இந்த பதிவில் உலகின் சிறந்த உளவு அமைப்புகள் பற்றிய ஓர் பார்வையாகும்.

கனடியன் செக்யூரிட்டி இன்டல்லிஜெண்ட் சர்வீஸ்:

இதன் தலைமையிடம் கனடாவில் உள்ள ஒட்டாவாவில் உள்ளது. 1984 ஆம் ஆண்டு உருவாக்கப்பட்ட CSIS என்பது கனடாவின் உளவு அமைப்பாகும். இந்த அமைப்புதான் கனடாவின் தேசிய பாதுகாப்பை கவனித்துக் கொள்கிறது.

இவர்களின் முக்கிய கடமை உளவுதகவல்களை சேகரித்தல், இரகசிய ஆபரேஷன்கள், நாட்டின் பாதுகாப்புக்கான அறிவுரைகளை வழங்குதல் ஆகியவை அடங்கும். அமெரிக்கா, இங்கிலாந்து, கனடா, ஆஸ்திரேலியா மற்றும் நியூசிலாந்து ஆகியவற்றுக்கு இடையேயான உளவுத்துறை கூட்டணியான ஃபைவ் ஐஸில் கனடாவின் பிரதிநிதியாகவும் CSIS உள்ளது.

பெடரல் செக்யூரிட்டி சர்வீஸ்

ரஷ்யாவின் உளவு அமைப்பான இது லுபியங்காவில் உள்ளது. 1995 நிறுவப்பட்ட இது ரஷ்ய கூட்டமைப்பின் முக்கியமான உள்நாட்டு பாதுகாப்பு நிறுவனமாகும். மேலும் ரஷ்ய அரசின் உள் பாதுகாப்பு, எதிர் நடவடிக்கை மற்றும் ஒழுங்கமைக்கப்பட்ட குற்றம், பயங்கரவாதம் மற்றும் போதைப்பொருள் கடத்தலுக்கு எதிரான போராட்டம் ஆகியவற்றிற்கும் இந்த அமைப்புதான் பொறுப்பாகும்.

2011 ஆம் ஆண்டு FSB எட்டு பயங்கரவாத தாக்குதல்களை தடுத்ததுடன் புத்தாண்டு மாலையில் மாஸ்கோவில் நடைபெறவிருந்த மனித வெடிகுண்டு தாக்குதலையும் தடுத்தது.

மினிஸ்ட்ரி ஆஃப் ஸ்டேட் செக்யூரிட்டி

இதன் தலைமையிடம் சீனாவின் பீஜிங்கில் உள்ளது, மாநில பாதுகாப்பு அமைச்சகம் என்பது சீன மக்கள் குடியரசின் பாதுகாப்பு நிறுவனமாகும் இது 1983 ஆம் ஆண்டு தொடங்கப்பட்டது. இதன் நோக்கம் எதிரிகளை கண்டறிதல், உளவாளிகள் மூலம் அரசாங்கத்துக்கு பயனுள்ள தகவல்களை அளிப்பதன் மூலம் நாட்டின் பாதுகாப்பை உறுதி செய்வதாகும்.

மினிஸ்ட்ரி ஆஃப் ஸ்டேட் செக்யூரிட்டி தற்போது சைனா இன்ஸ்டியூட்ஸ் ஆஃப் கண்டெம்பரரி இன்டர்நேஷனல் ரிலேசன்ஸ் என்னும் அமைப்பை நடத்தி வருகிறது. இதில் ஆராய்ச்சி மற்றும் பகுப்பாய்வு செய்ய வெளிநாட்டு அறிஞர்களுடன் கலந்தாலோசிக்க பல அறிஞர்களைக் கொண்டுள்ளது.

தி பன்டெஸ்னாச்ரிச்சென்டென்ஸ்ட்

இதன் தலைமையிடம் ஜெர்மனியில் உள்ளது, 1956 ஆம் ஆண்டு தொடங்கப்பட்ட இது சர்வதேச பயங்கரவாதம், டபிள்யூ.எம்.டி பெருக்கம் மற்றும் சட்டவிரோத தொழில்நுட்ப பரிமாற்றம் போன்ற பல்வேறு துறைகள் பற்றிய தகவல்களை சேகரிக்கிறது.

இது மேஜர் ஜெனரல் ரெய்ன்ஹார்ட்டால் உருவாக்கப்பட்ட ஒரு இரகசிய புலனாய்வு சக்தியான “கெஹ்லன் அமைப்பு”யை உள்ளடக்கியது. இரண்டாம் உலகப்போருக்குப் பிறகு இந்த அமைப்பு அமெரிக்க புலனாய்வு நிறுவனங்களுடன் இணைந்து பணியாற்றத் தொடங்கியது.

டைரக்டரேட் ஜெனரல் ஆஃப் எக்ஸ்டெர்னல் செக்யூரிட்

பிரான்ஸை தலைமையிடமாக கொண்டு இயங்கும் இந்த அமைப்பு 1982 ஆம் ஆண்டு தொடங்கப்பட்டது. DGES என்று அழைக்கப்படும் இந்த அமைப்பு பிரெஞ்சு பாதுகாப்பு அமைச்சகத்தின் கட்டுப்பாட்டின் கீழ் இயங்குகிறது.

இந்த நிறுவனம் டி.சி.ஆர்.ஐ (உள்துறை புலனாய்வு மைய இயக்குநரகம்) உடன் இணைந்து செயல்படுகிறது மற்றும் இது மிகவும் சுவாரஸ்யமான சின்னங்களில் ஒன்றாகும். இரையின் பறவை இறையாண்மை, செயல்பாட்டு திறன்கள், சர்வதேச செயல்பாட்டு தன்மை மற்றும் ஏஜென்சியின் சின்னத்தில் DGES-ன் செயல்திறன் ஆகியவற்றைக் குறிக்கிறது. லோகோவில் பிரான்ஸ் ஒரு சரணாலயமாக சித்தரிக்கப்படுகிறது மற்றும் கோடுகள் DGES பயன்படுத்தும் நெட்வொர்க்குகளை சித்தரிக்கின்றன.

ஆஸ்திரேலியன் சீக்ரெட் இன்டெலிஜென்ஸ் சர்வீஸ்

இதன் தலைமையகம் கேன்பெர்ராவில் உள்ளது, 1952 ஆம் ஆண்டு தொடங்கப்பட்ட ஆஸ்திரேலிய இரகசிய புலனாய்வு சேவை அல்லது ASIS என்பது ஆஸ்திரேலிய அரசாங்க புலனாய்வு அமைப்பாகும், இது வெளிநாட்டு உளவுத்துறையை சேகரித்தல், உளவுத்துறை நடவடிக்கைகளை மேற்கொள்வது மற்றும் வெளிநாடுகளில் உள்ள பிற புலனாய்வு அமைப்புகளுடன் ஒத்துழைப்பு ஆகியவற்றை செய்கிறது.

இருபது ஆண்டுகளுக்கு மேலாக இப்படி ஒரு அமைப்பு இருந்தது அதன் அரசாங்கத்திற்கே தெரியாமல் இருந்தது. இது வெளிச்சத்திற்கு வந்ததும் 1974 மற்றும் 1983 மற்றும் 1994 ஆம் ஆண்டுகளில் அதன் செயல்பாடுகளுக்காக ராயல் கமிஷன் மூன்று முறை ஆய்வு செய்தது.

ரிசர்ச் அண்ட் அனலைசிஸ் விங்ஸ்

1968 ஆம் ஆண்டு தொடங்கப்பட்ட இந்த அமைப்பின் தலைமையிடம் புது டெல்லியில் உள்ளது. RAW இன் முதன்மை நோக்கம் அண்டை நாடுகளின் இயக்கம் மற்றும் செயல்பாடுகளை கண்காணிப்பதாகும்.

உளவுத்துறை அமைப்பு மேற்கொண்ட உளவுத்துறை சேகரிப்பில் இருந்த குறைபாடுகளை அம்பலப்படுத்திய 1962 ஆம் ஆண்டு நடைபெற்ற சீன-இந்தியப் போர் மற்றும் 1965 ஆம் ஆண்டு நடைபெற்ற இந்தியா-பாகிஸ்தான் போருக்குப் பின்னர் இந்த அமைப்பு நடைமுறைக்கு வந்தது. அப்போதைய பிரதமராக இருந்த இந்திரா காந்தியும் அவரது அரசாங்கமும் போருக்கு முன்னரும், பயங்கரவாத தாக்குதல்களுக்கு முன்னரும் இந்தியாவை எச்சரித்து பாதுகாக்கும் அமைப்பின் தேவையை உணர்ந்திருந்தனர். அதனால்தான் RAW அமைப்பை உருவாக்கினர்.

மிலிட்டரி இன்டெலிஜென்ஸ், செச்ஷன் 6

இதன் தலைமையிடம் லண்டன் ஆகும். 1909 ஆம் ஆண்டு தொடங்கப்பட்ட MI6 மிகப் பழமையான புலனாய்வு அமைப்புகளில் ஒன்றாகும், மேலும் 1569 ஆம் ஆண்டில் சர் பிரான்சிஸ் வேல்சிங்கம் ஒரு ரகசிய சேவை அமைப்பை நிறுவியதிலிருந்து பல்வேறு வடிவங்களில் இருந்து வருகிறார், அவர் ராணி எலிசபெத் I இன் மாநில செயலாளராக ஆனார்.

இது தற்போது இருக்கும் வடிவத்திற்கு 1909 ஆம் ஆண்டு மான்ஸ்ஃபீல்ட் கம்மிங்கால் மாற்றப்பட்டது. இன்றும் இந்த நிறுவனம் சிஐஏ போன்ற உயர்மட்ட நிறுவனங்களுடன் இணைந்து அவர்கள் பணிகளில் உதவுகிறது. புகழ்பெற்ற ஜேம்ஸ் பாண்ட் கதாபாத்திரம் இந்த அமைப்பில் உளவாளியாக இருப்பது போலத்தான் எடுக்கப்பட்டிருக்கும்.

சென்ட்ரல் இன்டெலிஜென்ஸ் ஏஜென்சி

அமெரிக்காவின் பேர்பாக்ஸில் இதன் தலைமையகம் உள்ளது. 1947 ஆம் ஆண்டு தொடங்கப்பட்ட இதுதான் உலகம் முழுவதும் அமெரிக்காவின் ஆதிக்கம் மேலோங்கி இருக்க முக்கிய காரணமாகும். இந்த நிறுவனம் ஒரு வல்லரசாக அமெரிக்காவின் நிலையை நிலைநிறுத்துவதிலும், நாடு முழுவதும் வெளியுறவுக் கொள்கை உளவுத்துறை மற்றும் பகுப்பாய்வை செய்வதிலும் முக்கிய பங்கு வகிக்கிறது.

இதைச் செய்வதற்கு, சிஐஏ ஒரு காலத்தில் “ஏர் அமெரிக்கா” என்ற போலி நிறுவனத்தை வைத்திருந்தது, அது ஒரு சிவிலியன் விமான நிறுவனமாக இயங்கியது, ஆனால் லாவோஸ், இந்தோசீனா எல்லை போன்றவற்றில் இராணுவ நடவடிக்கைகளை மேற்கொள்ள பயன்படுத்தப்பட்டது.

பழிக்குப் பழி வாங்கும் மொசாட் :

இதன் தலைமையகம் இஸ்ரேலில் உள்ள டெல் அவிவில் உள்ளது, இது தொடங்கப்பட்ட ஆண்டு 1949 ஆகும். மொசாட் உலகின் மிக துணிச்சலான இரகசிய அமைப்புகளில் ஒன்றாக இருந்து வருகிறது.

இந்த சிறப்பு நடவடிக்கை மற்றும் வெளிநாட்டு புலனாய்வு அமைப்பு 1072 இல் மியூனிக் ஒலிம்பிக்கில் 11 இஸ்ரேலிய விளையாட்டு வீரர்களை பணயக்கைதிகளாக பிடித்து அவர்களின் கொலைக்கு காரணமான அனைத்து பி.எல்.ஓ செயற்பாட்டாளர்களையும் கண்டுபிடித்து கொலை செய்வதற்காக ‘கடவுளின் கோபம்’ என்ற ஆபரேஷனில் இருந்து தொடங்கியது.