சீனாவில் ஆரம்பபாடசாலையில் மீண்டும் கத்திக்குத்து சம்பவம் – இருவர் பலி

சீனாவில் ஆரம்ப பாடசாலையொன்றில் இடம்பெற்ற கத்திக்குத்து சம்பவத்தில் இருவர் கொல்லப்பட்டுள்ளதுடன் 10 பேர் காயமடைந்துள்ளனர்.

45 வயது பெண்  ஒருவர் பழம்வெட்டும் கத்தியை பயன்படுத்தி தாக்குதலை மேற்கொண்டுள்ளார்.

சீனாவின் ஜியாங்ஜி மாகாணத்தின் வென்பாங் நகரில் இந்த சம்பவம் இடம்பெற்றுள்ளது.

கத்திக்குத்து தாக்குதலை தொடர்ந்து  ஆரம்ப பாடசாலையிலிருந்து மாணவர்கள் பாதுகாப்பாக வெளியேற்றப்பட்டனர்.

இந்த சம்பவம் குறித்து அச்சம் வெளியிட்டுள்ள பெற்றோர் பாடசாலை உரிய  தகவல்களை வெளியிடவில்லை என குற்றம்சாட்டியுள்ளனர்.

மதியமே எனக்கு இந்த தகவல் கிடைத்தது நான் அதிர்ச்சியடைந்தேன் பெற்றோர் ஒருவர் பிபிசிக்கு தெரிவித்துள்ளார்.