கேசி தமிழ் மன்றம் …. ஆடிப்பிறப்பு விழா 2021.

பல மாதங்களாக ஒருவரையொருவர் பார்க்காமல் முடங்கியிருந்த உறவுகள் நண்பர்கள் ஒன்று கூடும் இனிய நன்நாளாக  கேசி தமிழ் மன்றத்தின் ஆடிப்பிறப்பு விழா இம்முறை டாண்டினோங்கில் அமைந்துள்ள Menzies மண்டபத்தில் 18-07-2021 ஞாயிற்றுக்கிழமை பிற்பகல் 4.00க்கு  சிறப்பான முறையில் (கோவிட் விதிகளுக்கு அமைய) நடைபெறுவதற்கு ஏற்பாடு செய்யப்பட்டுள்ளது.

தமிழர்தம் பாரம்பரிய கலைச்செழிப்பை வெளிக்கொணரும் சிறுவர் நிகழ்வுகள், வளர்ந்து வரும் இளவயதினர் வழங்கும் நிகழ்ச்சி,  எல்லோரையும் கவரக்கூடிய  நகைச்சுவை உள்ளிட்ட சிறப்பு நிகழ்ச்சிகள் இவ்விழாவில் அரங்கேற இருக்கின்றன. இத்துடன் கேசி தமிழ் மன்றத்தின் அரையாண்டு சஞ்சிகையான இளவேனில் சஞ்சிகையும் புதிய பல ஆக்கங்களுடன் சிறப்பாக வெளியிடப்படவிருக்கிறது.

அது மட்டுமா. நாவுக்கு சுவையான ஆடிக்கூழ், கொழுக்கட்டை போன்றவற்றுடன் சுவையான இரவு விருந்தும் வழங்கப்படவிருக்கிறது.

இவ்விழாவிற்குக் கேசி தமிழ் மன்றம் உங்களை அன்புடன் வரவேற்கிறது.