பதினாறும் பெற்று!… எஸ்.ஜெகதீசன்….. ( கனடா ) …. வாழ்த்துச் செய்தி.

அக்கினிக்குஞ்சு, அவுஸ்திரேலியாவிலிருந்து 16 வருடங்களாக வெளிவரும் மின்னிதழ்.

தரமான வாசகர்களுக்கு உரமான உயர் விருந்து வைக்கும் நன்னிதழ்.

வாசகர்கள் கொண்டாடும் பத்திரிகையாக அக்கினிக்குஞ்சு தனது 16 ஆவது ஆண்டு விழாவை கொண்டாடுகின்றது.

தமிழ் ஊடக உலகில் தனித்துவமான தடத்தைப் பதித்து, வாசகர்களின் இதயங்களில் காத்திரமான இடத்தைப் பெற்றிருக்கும் அக்கினிக்குஞ்சு மின்னிதழ் தனது இனிய 16ஆம் ஆண்டு விழாவை கொண்டாடுகின்ற இந்த மகத்தான தருணத்தில், மனம் நிறைந்த வாழ்த்துகளைத் தெரிவித்துக் கொள்வதில் பேரானந்தம் கொள்கிறேன்.

ஆஸ்திரேலிய மண்ணிலிருந்து கடந்த பதினாறு ஆண்டுகளாக இடையறாத பயணத்தில் தொடர்ந்து வெளிவந்து கொண்டிருக்கும் அக்கினிக்குஞ்சு, வெறும் ஒரு இணைய இதழாக மட்டுமல்லாது, உலகத் தமிழர்களின் சிந்தனைகளையும், உணர்வுகளையும், அறிவையும், கலை நயத்தையும் ஒன்றிணைக்கும் ஒரு அரிய இலக்கியத் தளமாக திகழ்கிறது.

காலம் மாறினாலும், தொழில்நுட்பம் வளர்ந்தாலும், தரமான படைப்புகளுக்கும், உண்மையான செய்திகளுக்கும், உயர்ந்த வாசிப்பு அனுபவத்திற்கும் மதிப்பு என்றும் குறையாது என்பதைத் தன்னுடைய ஒவ்வொரு வெளியீட்டின் மூலமும் நிரூபித்து வருகின்றது இந்தப் பெருமைக்குரிய இதழ்.

“வாசகர்களுக்கான விருந்து” என்று சொல்வது சாதாரணம்; ஆனால் அக்கினிக்குஞ்சு தரமான வாசகர்களுக்கு அறிவின் விருந்தும், இலக்கியத்தின் இனிமையும், சமூகப் பொறுப்பின் சிந்தனையும் இணைந்த உயரிய விருந்தை வழங்கி வருகிறது என்பதே உண்மை.

அதன் காரணமாகவே இந்த இதழ் ஒரு பத்திரிகை என்ற வரம்பைத் தாண்டி, வாசகர்களால் கொண்டாடப்படும் ஒரு இலக்கிய இயக்கமாக வளர்ந்துள்ளது.

இலங்கைச் செய்திகள், இந்தியச் செய்திகள், உலகச் செய்திகள் என்று பல பரிமாணங்களைக் கொண்ட செய்திப் பிரிவுகள் மூலம் உலகின் எந்த மூலையில் என்ன நிகழ்ந்தாலும் அதனை துல்லியத்துடனும், பொறுப்புணர்வுடனும் வாசகர்களிடம் கொண்டு சேர்க்கும் பணியை அக்கினிக்குஞ்சு சிறப்பாகச் செய்து வருகிறது.

உண்மையை உண்மையாகச் சொல்லும் பத்திரிகைத் தன்மை, தகவலைத் தரத்துடன் வழங்கும் பொறுப்புணர்வு—இவைதான் இதன் வளர்ச்சிக்கான முக்கிய அடித்தளங்கள்.

செய்திகளைத் தாண்டி, இலக்கிய உலகிற்கான ஒரு விசாலமான கதவாகவும் அக்கினிக்குஞ்சு விளங்குகிறது.

கவிதைகள், சிறுகதைகள், கட்டுரைகள், நாவல்கள், சிந்தனைப் பதிவுகள், விமர்சனங்கள்—எத்தனையோ படைப்புகள் இங்கு உயிர் பெறுகின்றன.

ஒவ்வொரு படைப்பும் வாசக மனங்களைத் தொட்டு, சிந்திக்க வைக்கவும், உணர வைக்கவும், வாழ்வை புதிதாய் பார்க்கச் செய்யவும் கூடிய ஆழமும் அழகும் கொண்டவை.

இளம் படைப்பாளிகளுக்கும், அனுபவமிக்க எழுத்தாளர்களுக்கும் சமமான அங்கீகாரத்தையும், வெளிப்பாட்டிற்கான அரங்கத்தையும் வழங்கும் பணியை இந்த இதழ் தொடர்ந்து செய்து வருகிறது என்பது பாராட்டத்தக்கது.

அந்த இலக்கியப் படைப்புகளுக்கு உயிரூட்டும் ஓவியங்களும் தனித்துவமானவை.

ஒரு எழுத்து எதைச் சொல்கின்றதோ, அதை ஓவியம் இன்னும் உயிர்ப்புடன் வெளிப்படுத்தும் வகையில் அமைந்திருப்பது

அக்கினிக்குஞ்சின் கலைநயத்தையும், தொகுப்புத் திறமையையும் வெளிப்படுத்துகிறது.

‘கிறிஸ்டி நல்லரட்னம் ” என்ற   ஓவியரை உலகுக்குக் காட்டிய பெருமையும் அக்கினிக்குஞ்சுக்கு உண்டு!

மேலும்  ஒளிப்படைப்புகளுக்கென ஒரு பகுதி, இலக்கியச் சோலைக்கென ஒரு தனிப்பிரிவு—இவை அனைத்தும் இதழின் அழகையும் ஆழத்தையும் பல மடங்கு உயர்த்துகின்றன.

பல்வேறு ரசனைகள் கொண்ட வாசகர்களுக்கும் ஏற்ற உள்ளடக்கங்களை வழங்குவதன் மூலம், அக்கினிக்குஞ்சு ஒரு குடும்ப இதழாகவும், ஒரு கலாச்சார மலராகவும் கமழ்கிறது.

இந்த மகத்தான பயணத்தின் பின்னால் நிற்கும் பெரும் ஆளுமை, அக்கினிக்குஞ்சின் பிரதம ஆசிரியர் யாழ் எஸ். பாஸ்கர்.

அவர் ஒரு ஆசிரியர் மட்டுமல்ல; நல்ல மனம் கொண்ட மனிதர், பண்பாளர், படைப்பாளிகளை ஊக்குவிக்கும் வழிகாட்டி.

எந்த நேரத்திலும் இதழின் வளர்ச்சி, அதன் தரம், அதன் வாசகர்கள், அதனுடன் இணைந்திருக்கும் எழுத்தாளர்கள்—இவற்றைப் பற்றியே சிந்தித்து செயல்படும் அர்ப்பணிப்புள்ள பத்திரிகையாளர்.

“நான் மட்டும் உயர வேண்டும்” என்ற எண்ணமல்ல, “என்னுடன் பயணிக்கும் அனைவரும் உயர வேண்டும்” என்ற உயர்ந்த எண்ணமே அவரின் ஆதார சுருதி.

புதிய எழுத்தாளர்களை அறிமுகப்படுத்தி, அவர்களுக்கு தன்னம்பிக்கை யளித்து, அவர்களின் படைப்புகளை உலக வாசகர்களிடம் கொண்டு சேர்க்கும் பெரும் பணியை அவர் தொடர்ந்து செய்து வருகிறார்.

அத்துடன் பன்முகத்தன்மை கொண்ட பழைய எழுத்தாளர்கள், பத்திரிகையாளர்களின் கரங்களை வலுவாகப்பற்றி அவர்களின்

ஆலோசனைகளை உளமார ஏற்று, அவர்களின் எழுத்துப் பாணியை அவர்களே வியக்கும் வகை செய்கின்றார்!

பாஸ்கர் போன்ற இத்தகைய ஆசிரியர்கள் தான் பத்திரிகை உலகின் உண்மையான சொத்துகள்.

அக்கினிக்குஞ்சில் எனது முதல் படைப்பு வெளியான நாள் இன்னும் நேற்றுப் போல மனதில் நிற்கிறது.

ஆனால் காலம் எவ்வளவு வேகமாக நகர்கிறது!

அதற்குள் எட்டு ஆண்டுகள் கடந்துவிட்டன என்பதை நினைக்கும் போது ஆச்சரியமும், மகிழ்ச்சியும் மேலிடுகிகின்றன.

எழுத்தாளனாக எனது பயணத்தில் அக்கினிக்குஞ்சு அளித்த ஊக்கம், அங்கீகாரம், அன்பு—இவை அனைத்தும் ஆழ் மனதில் ஆழமாய் இடம் பிடித்துள்ளன.

சகல எழுத்தாளர்கனின் உணர்வுகளுக்கு மதிப்பளித்து, அவர்களது படைப்பை உலக அரங்கில் கொண்டு சேர்த்த அக்கினிக்குஞ்சிற்கும், அதன் ஆசிரியர் பாஸ்கரும் எமது நெஞ்சார்ந்த நன்றிகள் எப்போதும் உரித்தாகும்

ஒரு இதழ் வெற்றி பெறுவதற்கு நல்ல உள்ளடக்கம் மட்டும் போதாது; அதற்குப் பின்னால் அர்ப்பணிப்பு, ஒழுங்கு, பார்வை, மனிதநேயம், இலக்கியப் பொறுப்பு ஆகியவை இருக்க வேண்டும்.

அந்த அனைத்தையும் ஒருங்கே தன்னுள் கொண்டிருப்பதால்தான் அக்கினிக்குஞ்சு, இன்னும் இளமையோடும் வீரியத்தோடும் இன்று பதினாறு ஆண்டுகளைக் கடந்து வெற்றியின் புதிய உச்சங்களைத் தொட்டு நிற்கிறது.

இன்னும் பல தலைமுறைகளுக்கு – செய்திகளில் சுவாலை குன்றா நெருப்பாய், படைப்புகளின் தீப்பொறியாய், அறிவின் சுடராய், உலகத் தமிழர்களின் பிரகாசமான இலக்கிய ஒளியாய் அக்கினிக்குஞ்சு தொடர்ந்து வளர வேண்டும்.

அதன் புகழ் உலகெங்கும் பரவ வேண்டும். அதனை வழிநடத்தும் ஆசிரியர்