ஆப்பிள் நிறுவனத்தில் அதிரடி மாற்றம்; விலகுகிறாரா டிம் குக்?
உலகின் முன்னணி தொழில்நுட்ப நிறுவனமான ஆப்பிள் (Apple) நிறுவனத்தின் தற்போதைய தலைமை நிர்வாக அதிகாரி (Apple) டிம் குக், விரைவில் தனது பதவியிலிருந்து விலகக்கூடும் அல்லது நிறுவனத்தின் தலைமைத்துவ கட்டமைப்பில் பெரிய மாற்றங்கள் ஏற்படலாம் என சர்வதேச ஊடகங்கள் செய்தி வெளியிட்டுள்ளன.
சுமார் 13 ஆண்டுகளுக்கும் மேலாக ஆப்பிள் நிறுவனத்தை வழிநடத்தி வரும் டிம் குக், தனது வாரிசை (Successor) அடையாளம் காணும் பணிகளில் ஈடுபட்டுள்ளதாகத் தெரிவிக்கப்படுகிறது.
ஆப்பிள் நிறுவனத்தின் வன்பொருள் பொறியியல் (Hardware Engineering) பிரிவின் சிரேஷ்ட துணைத் தலைவர் ஜான் டெர்னஸ் (John Ternus), அடுத்த தலைமை நிர்வாக அதிகாரியாக நியமிக்கப்பட அதிக வாய்ப்புள்ளதாகக் கூறப்படுகிறது.
ஆப்பிள் நிறுவனம் தனது தயாரிப்புகளில் செயற்கை நுண்ணறிவு (AI) மற்றும் புதிய தொழில்நுட்பங்களை நோக்கிய பாரிய மாற்றத்தை முன்னெடுத்து வரும் நிலையில், இந்தத் தலைமைத்துவ மாற்றம் முக்கியத்துவம் பெறுகிறது.
ஸ்டீவ் ஜாப்ஸிற்குப் பிறகு ஆப்பிள் நிறுவனத்தைப் பொறுப்பேற்ற டிம் குக், நிறுவனத்தின் சந்தை மதிப்பை (Market Value) பல டிரில்லியன் டாலர்களாக உயர்த்திய பெருமைக்குரியவர். ஆப்பிள் வாட்ச், ஏர்போட்ஸ் மற்றும் சமீபத்திய விஷன் ப்ரோ (Vision Pro) போன்ற தயாரிப்புகள் இவரது காலத்திலேயே அறிமுகப்படுத்தப்பட்டன.
இந்த மாற்றம் ஆப்பிள் நிறுவனத்தின் எதிர்காலத் தயாரிப்புகள் மற்றும் பங்குச் சந்தையில் எத்தகைய தாக்கத்தை ஏற்படுத்தும் என்பதைத் தொழில்நுட்ப உலகம் உன்னிப்பாகக் கவனித்து வருகின்றது.
