மூன்றாம் காலாண்டில் இங்கிலாந்து பொருளாதார வளர்ச்சி 0.1% ஆகக் குறைவு!
இந்த ஆண்டின் மூன்றாம் காலாண்டில் இங்கிலாந்தின் பொருளாதாரம் வளர்ச்சி மந்தநிலையைச் சந்தித்ததாக தேசிய புள்ளிவிபரவியல் அலுவலகத்தின் புள்ளிவிவரங்கள் வெளிப்படுத்தியுள்ளன.
இந்த தகவல் தொழிற்கட்சி அரசாங்கத்திற்கு ஒரு புதிய பின்னடைவை ஏற்படுத்தியுள்ளது.
ஏப்ரல்-ஜூன் காலகட்டத்தில் 0.3 சதவீதமாக இருந்த முந்தைய மதிப்பீட்டிலிருந்து மொத்த உள்நாட்டு உற்பத்தி 0.2 சதவீதமாகக் குறைவடைந்துள்ளது.
அதன்படி, 2025 ஆம் ஆண்டின் மூன்றாம் காலாண்டில் பொருளாதார வளர்ச்சி 0.1 சதவீதமாக இருந்ததாக தேசிய புள்ளிவிபரவியல் அலுவலகம் தெரிவித்துள்ளது.
இது ஆண்டின் முதல் மூன்று மாதங்களில் பதிவான 0.7 சதவீத விரிவாக்கத்திலிருந்து நீடித்த மந்தநிலையைக் குறிக்கிறது.
2024 ஜூலை மாதம் தனது தொழிலாளர் கட்சி ஆட்சிக்கு வந்ததிலிருந்து பிரதமர் கெய்ர் ஸ்டார்மர் பிரித்தானியாவின் மந்தமான பொருளாதாரத்தை மீட்டெடுக்க போராடி வருகிறார்.
நிதியமைச்சர் ரேச்சல் ரீவ்ஸ் கடந்த ஆண்டு தனது தொடக்க பட்ஜெட்டில் வணிகங்கள் மீதான வரிகளை உயர்த்தினார் – இந்த முடிவு பலவீனமான இங்கிலாந்து பொருளாதார வளர்ச்சிக்கும் வேலையின்மை அதிகரிப்பிற்கும் காரணமாக பரவலாகக் குற்றம் சாட்டப்பட்டது.
இதேவளை, இங்கிலாந்து பணவீக்கம் எதிர்பார்த்ததை விட வேகமாகக் குறைந்ததாலும், பொருளாதாரம் பலவீனமடைந்ததாலும், இங்கிலாந்து வங்கி கடந்த வாரம் அதன் முக்கிய வட்டி விகிதத்தை 3.75 சதவீதமாகக் குறைத்தமையும் குறிப்பிடத்தக்கது.
