கோமா சிறை தாக்குதல்: நூற்றுக்கணக்கான பெண்கள் உயிருடன் எரிப்பு
காங்கோவில் உள்ள சிறை ஒன்றில் நூற்றுக்கணக்கான பெண் கைதிகள் பாலியல் துன்புறுத்தல் செய்யப்பட்டு உயிருடன் எரிக்கப்பட்டு இருப்பதாக தகவல் வெளியாகியுள்ளது.
காங்கோ ஜனநாயகக் குடியரசின் கோமா நகரில் உள்ள முன்ஜென்ஸ் சிறையில்(Munzenze prison) நூற்றுக்கணக்கான பெண் கைதிகள் பாலியல் வன்கொடுமை செய்யப்பட்டு உயிருடன் எரிக்கப்பட்டதாக செய்திகள் வெளியாகி பரபரப்பை ஏற்படுத்தியுள்ளது.
கனிம வளம் நிறைந்த கிழக்கு டிஆர்சியில் உள்ள ஒரு முக்கிய நகரமான கோமாவை எம்23 கிளர்ச்சியாளர்கள் சமீபத்தில் கைப்பற்றினர்.
செவ்வாய்க்கிழமை நிலவரப்படி, சுமார் 2,000 உடல்கள் கோமாவில் இன்னும் புதைக்கப்படாமல் காத்திருப்பதாகவும் அறிக்கைகள் தெரிவிக்கின்றன.
கோமாவில் உள்ள முன்ஜென்ஸ் சிறையில் நடந்த ஒரு பெரிய சிறை உடைப்பின் போது 4,000 கைதிகள் தப்பிச் சென்றனர். அப்போது சில நூறு பெண்களும் அந்த சிறையில் இருந்தனர்.
