பயணிகளை கவரும் ‘ஜெயில் டூரிசம்’ டிரெண்ட் ! ஒரு நாள் வாடகை எவ்வளவு?

இந்த கோடை விடுமுறையில் சுற்றுலாப் பயணிகள் சிறைச்சாலையை நோக்கி சுற்றுலா செல்வது டிரெண்டாகி வருகிறது.

டிரெண்டாகும் ஜெயில் டூரிசம்

நாம் எல்லோரும் விடுமுறை நாட்களில் டற்கரை பகுதிகள், பனி மூடிய மலைவாசஸ்தலங்கள், காடுகள், சரணாலயங்கள் போன்ற பகுதிகளுக்கு சுற்றுலா செல்வோம்.

ஆனால் சுற்றுலா பயணிகள் சிறையில் நோக்கி தங்களின் விடுமுறை நாட்களை கழிக்க செல்கிறார்கள் என்றால் நம்ப முடிகிறா? இப்போது இந்த சுற்றுலா விடயம் இணையத்தில் வைரலாகி வருகின்றது.

உலகின் பல பழைய சிறைச்சாலைகள் தற்போது ஹோட்டல்கள் மற்றும் சுற்றுலாத் தலங்களாக மாற்றப்பட்டு வருகின்றன.

ஒரு காலத்தில் குற்றவாளிகள் இருந்த இடங்களில் இன்று மக்கள் பணம் செலவழித்து தங்குவது பலரையும் ஆச்சரியத்தில் ஆழ்த்தியுள்ளது.

வாடகை எவ்வளவு?

இதன்மூலம் சுமார் ₹2,000 செலவில், பார்வையாளர்கள் இப்போது ஒரு உண்மையான சிறை அமைப்பிற்குள் ஒரு இரவு தங்கி, சிறைச்சாலை பாணியிலான நடைமுறைகளை அனுபவித்து, எளிமையான உணவை உண்டு, சிறை வாழ்க்கை உண்மையில் எப்படி இருக்கும் என்பதைப் புரிந்து கொள்ள முடியும்.

இந்தக் கருத்து ஆடம்பரச் சுற்றுலா போல வடிவமைக்கப்படவில்லை.

பார்வையாளர்கள் கண்காணிக்கப்படும் சிறை அறைகளுக்குள் தங்கி, கடுமையான கால அட்டவணைகளைப் பின்பற்றி, தங்கியிருக்கும் போது வரையறுக்கப்பட்ட சுதந்திரங்களை அனுபவிப்பதாகக் கூறப்படுகிறது.

இரும்புக் கம்பிகளால் ஆன அறைகள் முதல் எளிமையான படுக்கை விரிப்புகள் மற்றும் பாரம்பரிய சிறை உணவு வரை, இந்த அனுபவம் சிறைவாசத்தின் சூழலை முடிந்தவரை யதார்த்தமாக உருவாக்கபட்டுள்ளது.

இந்த முயற்சி, சிறை நிலைமைகள், ஒழுக்கம் மற்றும் சிறைவாசத்தின் உளவியல் தாக்கம் ஆகியவற்றை குடிமக்கள் புரிந்துகொள்ள உதவும் என்று ஆதரவாளர்கள் நம்புகிறார்கள்.