வண்ணப்பூச்சு வசதி விரிவாக்கத்தில் £65 மில்லியன் முதலீடு செய்யும் ஜாகுவார் லேண்ட் ரோவர்!
இங்கிலாந்தின் மிகப்பெரிய சொகுசு கார் தயாரிப்பாளரான ஜாகுவார் லேண்ட் ரோவர் (JLR), அதன் சிறப்பு வண்ணப்பூச்சு (Paint) வசதிகளை உலகளவில் நிலையான முறையில் விரிவுபடுத்துவதற்கு 65 மில்லியன் பவுண்ட்ஸ் ($81m) முதலீடு செய்வதாகக் கூறியுள்ளது.
இந்த திட்டத்தில் இங்கிலாந்து, Castle Bromwich மற்றும் Nitra, Slovakia ஆகிய இடங்களில் புதிய பெயிண்ட்டிங் நிலையங்களை திறப்பது அடங்கும்.
தனிப்பயனாக்கப்பட்ட சொகுசு வாகனங்களுக்கான வளர்ந்து வரும் தேவையைப் பூர்த்தி செய்வதற்கும் அதன் அதிக கார்பன் உற்பத்தி செயல்முறைகளின் சுற்றுச்சூழல் பாதிப்பைக் குறைப்பதையும் நோக்காகக் கொண்டு இந்த நடவடிக்கை வந்துள்ளது.
நிறுவனம் தனிப்பயனாக்கப்பட்ட வண்ண விருப்பங்களுக்கான தேவையைக் கண்டுள்ளது.
அங்கு வாடிக்கையாளர்கள் நூற்றுக்கணக்கான பெஸ்போக் பெயிண்ட் மற்றும் அதன் ரேஞ்ச் ரோவர் மற்றும் ரேஞ்ச் ரோவர் ஸ்போர்ட் மொடல்களில் உயர்த்தப்பட்ட வர்ண விருப்பங்களை தேர்வு செய்யலாம்.
இந்த நடவடிக்கை ஆண்டுக்கு 17,000 கூடுதல் முன் கட்டளைகளை (ஆர்டர்கள்) ஆதரிக்கும் என்றும் எதிர்பார்க்கப்படுகிறது.
