ஜோர்தானிலுள்ள இஸ்ரேலிய தூதரகம் அருகே துப்பாக்கிச்சூடு!

ஜோர்தானில் உள்ள இஸ்ரேலிய தூதரகத்திற்கு அருகே ஞாயிற்றுக்கிழமை (24) நடந்த துப்பாக்கிச் சூட்டில் துப்பாக்கிதாரி ஒருவர் சுட்டுக் கொல்லப்பட்டார்.

மேலும், மூன்று பொலிஸ் அதிகாரிகள் காயமடைந்தனர் என்று பாதுகாப்பு ஆதாரம் மற்றும் அரசு ஊடக அறிக்கைகளை மேற்கோள் காட்டி ரொய்ட்டர்ஸ் செய்தி வெளியிட்டுள்ளது.

அம்மானின் ரபியா பகுதியில் ரோந்துப் பணியில் ஈடுபட்டிருந்த காவல்துறையினரை நோக்கி துப்பாக்கியால் சுடத் தொடங்கிய துப்பாக்கிதாரி, பொதுப் பாதுகாப்பின் பின்னணியில் பொலிஸாரால் சுட்டுக் கொல்லப்பட்டுள்ளார்.

ஜோர்டான் பொலிசார், துப்பாக்கிதாரியை தாக்குவதற்கு முன், தூதரகத்திற்கு அருகிலுள்ள ஒரு பகுதியை சுற்றி வளைத்ததாக நேரில் பார்த்தவர்கள் தெரிவித்தனர்.

துப்பாக்கிச் சூட்டுச் சத்தம் கேட்டவுடன், தூதரகம் அமைந்துள்ள அக்கம் பக்கத்திற்கு பொலிஸார் மற்றும் ஆம்புலன்ஸ்கள் விரைந்து செயற்பட்டதாகவும் தெரிவிக்கப்படுகிறது.

ஜோர்தானின் 12 மில்லியன் மக்களில், பலர் பாலஸ்தீனிய வம்சாவளியைச் சேர்ந்தவர்கள்.

இவர்கள் இஸ்ரேலை உருவாக்க வழிவகுத்த 1948 போரின் போது இடம்பெயர்ந்தவர்கள் அல்லது ஜோர்தானுக்கு தப்பிச் சென்றவர்கள்.

இந்த நிலையில் இச் சம்பவம் எதனால் ஏற்பட்டது என்பது தொடர்பில் பொலிஸார் மேலதிக விசாரணைகளை மேற்கொண்டு வருகின்றனர்.