கவிதைகள்
காதல் என்ன சாபமா ???… கவிதை… லி.நௌஷாத் கான்
காதல் என்ன சாபமா ??
கண்கொத்தி பாம்பாய்
பார்த்து பார்த்து சிதைத்தாயடி
அந்த பார்வையின் அர்த்தம் என்ன ?
உன் புன்னகை பார்த்தே
புதைந்து போனேனே
காணாமல் போன என் மகிழ்ச்சி எங்கேடி ?
உன் முடி -நகம் -முகம் -பாதம் என
என்னுள் அணு அணுவாய்
மண்டை மூளையெல்லாம்
பித்து பிடிக்காத குறையாய்
சித்தம் முழுதும்
என்னை காதல் பைத்தியமாக்கியது ஏனடி ?
கை கழுவ நினைத்தால் என்னை
காணாமலே இருந்திருக்கலாமே ?
நீ தொலைத்து விட எண்ணினால்
தொலைந்து போயிருப்பேனடி ?
என்னை ஏமாற்ற
காதல் என்ற புனிதமா உனக்கு தேவைப்பட்டது ?!
தேவதையே
என் நினைவிலிருந்து தொலைந்து போ
என் நிழலாவது காற்றோடு வாழ்ந்து விட்டு போகட்டும் !!
-லி.நௌஷாத் கான்-
