13 ஆவது திருத்தச் சட்டத்தை அமுல்படுத்துவாராம் சஜித்

ஐக்கிய மக்கள் சக்தியின் அரசாங்கத்தின் கீழ் 13 ஆவது திருத்தச் சட்டம் அமுல்படுத்தப்படும் என எதிர்க்கட்சித் தலைவர் சஜித் பிரேமதாச வலியுறுத்தியுள்ளார்.

13 ஆவது திருத்தச் சட்டம் குறித்து பேசும் போது சில தலைவர்கள் பயந்து ஓடியதாகவும் சிலர் வேறு தலைப்புகளில் பேசியதாகவும் சஜித் பிரேமதாச தெரிவித்துள்ளார்.

தலைநிமிர்ந்து பேசுபவன் நான் மட்டுமே!

தலைநிமிர்ந்து நேராக பேசுபவராக தான் பதவிக்கு வந்தவுடன் 13 ஆவது திருத்தச் சட்டத்தை அதே முறைமையின் கீழ் அமுல்படுத்துவதாக சுட்டிக்காட்டியுள்ளார்.

‘சக்வல‘ வேலைத்திட்டத்தின் கீழ் கிளிநொச்சி பாரதிபுரமஹ பாடசாலையில் வழங்கப்பட்ட ஒரு மில்லியன் ரூபாவிற்கும் அதிகமான பெறுமதியான நட்புறவு வகுப்பறையை திறந்து வைக்கும் நிகழ்வில் கலந்து கொண்ட போதே எதிர்க்கட்சித் தலைவர் மேற்கண்டவாறு தெரிவித்தார்.

அனைத்து மக்களுக்கும் கோரிக்கை

இதேவேளை, சிங்களவர், தமிழ், பறங்கியர், முஸ்லீம் என அனைவரும் ஒரே தாயின் பிள்ளைகளாக கைகோர்த்து நாட்டை கட்டியெழுப்ப கைகோர்க்குமாறு சஜித் பிரேமதாச அழைப்பு விடுத்துள்ளார்.

இந்நிலையில், சிவப்பு நிற புரட்சியாளர்கள் சிவப்பு யானை சகோதரர்களாக மாறி ஜனாதிபதியுடன் ஒப்பந்தம் செய்து அரசாங்க அலைவரிசைகளில் விவாதத்திற்கு வருமாறு கூறுகிறார்கள் என எதிர்கட்சி தலைவர் குறிப்பிட்டுள்ளார்.

ஐக்கிய மக்கள் சக்தி பொருளாதார குழு விவாதத்திற்கு அழைத்த போது பொருளாதார குழு இல்லாத ஜே.வி.பி அதனை விட்டுவிட்டு தலைமைத்துவ விவாதம் என்று தம்பட்டம் அடிக்க ஆரம்பித்ததாக சஜித் பிரேமதாச தெரிவித்துள்ளார்.

பொருளாதாரக் குழு விவாதம் மற்றும் தலைமைத்துவ விவாதம் ஆகிய இரண்டிற்கும் ஒரே நாளில் இரண்டு நாட்களை குறித்துக் கொள்ள வேண்டும் என சிலாபத்தில் இடம்பெற்ற மாநாட்டின் போது அவர் தெரிவித்துள்ளார்.

மக்களுக்கு உரிமை உண்டு

நாடு வங்குரோத்து நிலையில் இருக்கும் வேளையில் நாட்டை யார் காப்பாற்ற முடியும் என்பதை அறியும் உரிமை மக்களுக்கு இருப்பதாகவும், டொலர்கள் இன்றி நாடு வங்குரோத்து நிலையில் உள்ள இந்த சந்தர்ப்பத்தில் தற்பெருமை காட்டும் சிவப்பு யானைக் குட்டிகளிடம் பொருளாதார குழு, வேலைத்திட்டம் கூட இல்லை எனவும் அவர் சுட்டிக்காட்டியுள்ளார்.

எனவே, அந்த விவாதத்திற்கு தாங்கள் வரமாட்டார்கள் என்றாலும் கூட தான் மீண்டும் இரு விவாதங்களுக்கும் தயார் எனவும் பொருளாதார விவாதத்தின் பின்னர் தலைமைத்துவ விவாதம் நடத்தப்பட வேண்டும் எனவும் சஜித் பிரேமதாச குறிப்பிட்டுள்ளார்.

விவாதங்களைப் பற்றிப் பேசுகையில், சிவப்பு யானைக் குட்டிகளின் தலைவர் தனது தலைவரான ஜனாதிபதியை அணுகி, சமீபத்தில் ஒரு அரசாங்க தொலைக்காட்சியில் நாடகம் ஒன்றை நடத்தியதாகவும் , அவர்களிடம் பொருளாதாரக் குழு ஒன்று இல்லாதது அவர்களுடைய தவறு என்றும் கூறினார்.

மேலும், எதிர்க்கட்சித் தலைவர் சஜித் பிரேமதாச, ஐக்கிய மக்கள் சக்தி எதிர்க்கட்சியில் இருந்து பல பணிகளைச் செய்துள்ளதாகவும், எனவே எந்த நேரத்திலும் போட்டியிட்டு வேலை செய்ய தாம் தயாராக இருப்பதாகவும் தெரிவித்துள்ளார்.