சர்வதேச ஒருநாள் போட்டிகளில் ரோஹித் சர்மா படைத்துள்ள சாதனை!

இந்தியா – அவுஸ்திரேலியா அணிகளுக்கு இடையிலான 3 போட்டிகளைக் கொண்ட ஒருநாள் போட்டித் தொடர் தற்போது நிறைவடைந்துள்ளது.

2 – 1 எனும் கணக்கில் இந்தியாவை வீழ்த்தி குறித்த தொடரை அவுஸ்திரேலியா அணி கைப்பற்றியுள்ளது.

இந்தநிலையில், 3 வது ஒருநாள் போட்டி சென்னை சேப்பாக்கம் மைதானத்தில் நடைபெற்றதுடன், குறித்த போட்டியில் இந்திய அணியின் நட்சத்திர வீரர் ரோஹித் சர்மாவினால் சாதனை ஒன்றும் படைக்கப்பட்டுள்ளது.

அவுஸ்திரேலிய அணிக்கெதிரான இறுதி ஒருநாள் போட்டியில் ரோகித் சர்மா 17 பந்துகளில் 2 சிக்சர், 2 பவுண்டரி உள்ளடங்கலாக 30 ஓட்டங்களை பெற்று ஆட்டமிழந்தார்.

இதன்மூலம், சர்வதேச கிரிக்கெட் போட்டிகளில் ஆசியாவில் 10,000 ஓட்டங்களை கடந்த 8-வது இந்திய வீரர் எனும் பெருமையை ரோகித் சர்மா பெற்றுள்ளார்.