என்ன விட்ருங்கப்பா… சித்ரா வழக்கில் டீல் ஆரம்பம்… முன்னாள் அமைச்சர் கப்சிப்

சின்னத்திரை நடிகையான விஜே சித்ரா தற்கொலை செய்துகொண்ட விவகாரம் மீண்டும் சூடு பிடிக்க தொடங்கியுள்ளது… சித்ராவுக்கு பாலியல் தொல்லைகளை எதிர்கொண்டதாக அவரது காதல் கணவர் ஹேம்நாத் பேட்டி கொடுத்ததில் இருந்து வழக்கு அரசியல் புள்ளிகளை நோக்கி நகர தொடங்கியுள்ளது… அதுதொடர்பான முக்கிய தகவல்களை தொடர்ச்சியாக நாம் பதிவு செய்து வரும் நிலையில், திரை விருதுகளை வழங்குவதில் தொடர்புடைய முன்னாள் அமைச்சரும் தற்போது எம்எல்ஏவாக இருப்பவர் சித்ரா விவகாரத்தில் டீல் பேசி வருவதாக பரபரப்பான தகவல் வெளியாகியுள்ளது…

தினமும் விஜே சித்ரா குறித்து செய்திகள் வருவதால் ஆடிப்போயுள்ள அந்த கோவில் நகர எம்எல்ஏ ” தேரை இழுத்து தெருவில் விட்றாதீங்கப்பா…. உனக்கு கோவில் கட்டி கும்பிடுறேன்” என ஹேம்நாத்தின் நண்பர்கள் மூலம் டீல் பேசியுள்ளாராம்… சிக்கினால் சிதறல் தேங்காய்தான் என்பதை தெரிந்துகொண்டு தற்போது கப்சிப் ஆகியுள்ள அந்த விஐபி விரைவில் சிக்க வாய்ப்புள்ளதாகவும் கூறப்படுகிறது…

மேலும், இந்த தகவலை வலுப்படுத்தும் விதமாக, அந்த முன்னாள் அமைச்சர் சின்னத்திரை விருது வழங்குவது தொடர்பாக சென்னையில் பிரபலமான லீலா பேலஸ் ஓட்டலுக்கு சித்ராவை அழைத்துள்ளார்… அப்போதுதான் சித்ராவுக்கு அவருடன் அறிமுகம் ஏற்பட்டுள்ளது… அதில் இருந்துதான் சித்ராவுக்கு அவருடன் தொடர்பு ஏற்பட்டதாகவும் கூறப்படுகிறது. அதில் தொடங்கிய அறிமுகம், சித்ரா தங்கியிருந்த விடுதி வரை வந்ததாக பிரபல ஊடகத்தில் செய்தி வெளியானது… சித்ரா தற்கொலை செய்துகொள்வதற்கு முன்பும் ஒரு விஐபி கார் விடுதிக்கு வந்து சென்றதாகவும் ஆனால், அது அந்த முன்னாள் அமைச்சர் விட்ட தூது என்றும் அவர் விடுதி அமைந்துள்ள பகுதிகளில் செல்வாக்கு நிறைந்தவர் என்றும் அதிமுக வட்டாரத்தில் சொல்கின்றனர்..

இத்தனை நாட்கள் சித்ராவின் மரணத்தில் அரசியல்வாதிகளுக்கு தொடர்பு இருந்ததாக சித்ராவின் தோழி ரேகா நாயரும், காதல் கணவர் ஹேம்நாத்தும் கூறி வரும் நிலையில் சம்மந்தப்பட்ட முன்னாள் அமைச்சர் பதுங்க நிலைத்திருப்பது வழக்கில் முக்கிய திருப்பத்தை ஏற்படுத்தியுள்ளது… இந்நிலையில், சித்ராவை தற்கொலைக்கு தூண்டியதாக சிறையில் அடைக்கப்பட்ட ஹேம்நாத் இதுகுறித்து தைரியமாக பேசினால் மட்டுமே முன்னாள் அமைச்சர் உட்பட பலர் மீது நடவடிக்கை எடுக்கப்படும் என்கின்றனர் சித்ராவின் ரசிகர்கள்…