இஸ்ரேல் தேர்தல் : தலைவர்கள் மாறலாம், ஆனால் இலக்குகள் மாறாது

அடுத்த வாரம் நடைபெறவிருக்கும் இஸ்ரேலியத் தேர்தல் அதன் தலைவரை மாற்றக்கூடும், ஆனால் அதன் வியூகத்தை மாற்றாது என நிபுணர்கள் தெரிவித்துள்ளனர்.

ஈரான் அதன் பிரதான எதிரியாகவே தொடரும் என்றும் இராணுவ பலமே அதன் விருப்பமான கருவியாகத் தொடரும் என்றும் அவர்கள் சுட்டிக்காட்டியுள்ளனர்.

அத்துடன் பாலஸ்தீன அரசு உருவாவது ஒரு தொலைதூரக் கனவாகவே இருக்கும் என்றும் அரசியல் அவதானிகள் உறுதிப்பட தெரிவித்துள்ளனர்.

அக்டோபர் 7, 2023 அன்று பாலஸ்தீனப் போராளிக் குழுவான ஹமாஸ் தெற்கு இஸ்ரேலிய சமூகங்கள் மீது நடத்திய தாக்குதல்களாலும், காசா, லெபனான் மற்றும் ஈரானில் நடந்த போர்களாலும் இஸ்ரேலியக் கொள்கைக்கு அடிப்படையாக இருந்த வியூகக் கருதுகோள்களும் இந்நிலைக்கு வழிவகுத்துள்ளதாக தெரிவிக்கப்பட்டுள்ளது.

மாறாக, இஸ்ரேல் தனது பாதுகாப்புக் கொள்கையை இன்னும் கடுமையாக்கக்கூடும் என்று ஆய்வாளர்கள் கூறினர்.

ஏனெனில், தீவிர வலதுசாரிக் கூட்டணிக் கட்சிகளின் ஆதரவுடன் பிரதமர் பெஞ்சமின் நெதன்யாகு பெறும் வெற்றியானது, ஈரானுடனான போரைத் தீவிரப்படுத்தவும், ஆக்கிரமிக்கப்பட்ட மேற்குக் கரை மீதான இஸ்ரேலின் பிடியை இறுக்கவும், தூதரக உறவுகளை மேலும் ஓரங்கட்டவும் அவரைத் தூண்டக்கூடும்.

இஸ்ரேலின் பாதுகாப்புக் கோட்பாடு இப்போது மூன்று தூண்களை அடிப்படையாகக் கொண்டுள்ளது.

ஈரானை உடைப்பது, அதன் எல்லைகளுக்கு அப்பால் இடைநிலை மண்டலங்களைப் பாதுகாப்பது மற்றும் எதிரிகளைத் தடுக்கப் பலத்தைப் பயன்படுத்துவது ஆகியவையே அதன் இலக்குகளாகும்.

ஆக மொத்தத்தில், அக்டோபர் 27 தேர்தல் ஒரு சாத்தியமான திருப்புமுனையாகக் கருதப்படவில்லை.

மாறாக, அடிப்படை மோதல்கள் தீர்க்கப்படாமல் இருக்கும் நிலையில், போர்கள் ஏற்ற இறக்கத்துடன் காணப்படும் ஒரு நீண்டகால மோதலுக்குள் மத்திய கிழக்கு நிலைபெறுகிறதா என்பதற்கான ஒரு சோதனையாகவே பார்க்கப்படுகிறது என ஆய்வாளர்கள் சுட்டிக்காட்டியுள்ளனர்.