பதவியேற்ற 5 நாட்களில் பதவி விலகும் வெள்ளை மாளிகையின் புதிய ஊடகச் செயலாளர்

வெள்ளை மாளிகையின் ஊடகச் செயலாளராக பதவியேற்று ஒரு வாரத்திற்கும் குறைவான காலத்திலேயே கேட்டி ஸக்கரியா அந்த பதவியில் இருந்து விலகவுள்ளார்.

இது வெள்ளை மாளிகையின் தகவல் தொடர்பு பிரிவை மீண்டும் ஒரு குழப்ப நிலைக்கு தள்ளியுள்ளது.

கேட்டி ஸக்கரியா தனது பதவியில் இருந்து படிப்படியாக விலகி வருவதாக வெள்ளை மாளிகை அதிகாரி ஒருவர் தெரிவித்துள்ளதாக வௌிநாட்டுச் செய்திகள் தெரிவிக்கின்றன.

அவர் வெள்ளை மாளிகையிலோ அல்லது டிரம்பின் வட்டாரத்திலோ வேறு பதவியை ஏற்பாரா என கூறப்படுகிறது.

டிரம்ப், தனது பதவியை “மறுபரிசீலனை” செய்யுமாறு அவரை ஊக்குவித்ததாகக் கூறினார், இருப்பினும் அவரை பணிநீக்கம் செய்வாரா என்பதை அவர் கூற மறுத்துவிட்டார்.

நியூயோர்க் டைம்ஸ் மற்றும் ஃபாக்ஸ் நியூஸ் ஆகியவை இந்த முடிவு குறித்து முன்னதாகவே செய்தி வெளியிட்டிருந்தன.

ஸக்கரியாவின் பதவிக்காலம் ஆரம்பத்தில் இருந்தே சீரற்றதாக இருந்தது. அவர் முன்கூட்டியே தயாரித்திருந்த உரையை மெதுவாகவும் தடுமாற்றத்துடனும் பேசியதாலும், மூன்று செய்தியாளர்களின் கேள்விகளுக்கு மட்டுமே பதிலளித்ததாலும், அவரது முதல் மற்றும் ஒரே செய்தயாளர் சந்திப்பு பரவலாக கண்டிக்கப்பட்டது.

சட்டத்தரணி தேர்வில் தேர்ச்சி பெறாத போதிலும், தன்னை ஒரு சட்டத்தரணியாக தவறாக காட்டிக்கொண்டாரா என்பது குறித்த ஏராளமான கேள்விகளையும் அவர் எதிர்கொண்டார்.

மேலும், அவரை பணியமர்த்தியதை அறிவிக்கும் தனது சமூக ஊடகப் பதிவில், டிரம்ப் அவரை “ஒரு சட்டத்தரணி” என்றே குறிப்பிட்டிருந்தார்.

டிரம்ப்-இன் வெள்ளை மாளிகை தரநிலைகளின்படி பார்த்தாலும், ஸக்கரியாவின் அதிவேகமான எழுச்சியும் வீழ்ச்சியும் குறிப்பிடத்தக்கதாக இருந்தது.

இது, அவரது பணியாளர்கள் மத்தியில் தொடர்ச்சியான பணியிட மாற்றங்களும் குழப்பங்களும் நிலவிய டிரம்ப்-இன் முதல் பதவிக்காலத்தை நினைவுபடுத்தியது.

பின்னர், வெள்ளை மாளிகையின் தகவல் தொடர்பு இயக்குநர் அந்தோனி ஸ்கரமூச்சி, அப்பதவியில் சேர்ந்த 11 நாட்களிலேயே பணிநீக்கம் செய்யப்பட்டமை குறிப்பிடத்தக்கது.