ஈரானின் பிக்ஆக்ஸ் மலை மீது தாக்குதல் நடத்த டிரம்ப் திட்டம்
ஈரானின் பிக்ஆக்ஸ் மலை மீது தாக்குதல் நடத்த டிரம்ப் திட்டமிட்டுள்ளார்.
அமெரிக்க ஜனாதிபதி டொனால்டு டிரம்ப், ஈரானின் அணு ஆயுத திட்டத்தை தடுக்க பிக்ஆக்ஸ் மலை ( Pickaxe) மீது தாக்குதல் நடத்த அமெரிக்கா தயாராக இருக்கலாம் என்று தெரிவித்துள்ளார்.
வாஷிங்டனில் நடைபெற்ற பேட்டியில், டிரம்ப், “ஈரான் அணு ஆயுதம் பெற்றால் அதை பயன்படுத்தும். அதனால் அவர்கள் ஒருபோதும் அணு ஆயுதம் பெறக்கூடாது” என்று வலியுறுத்தியுள்ளார்.
அவர் குறிப்பிட்ட பிக்ஆக்ஸ் மலை, டெஹ்ரானுக்கு அருகே அமைந்துள்ள, ஆழமான சுரங்கத்தில் பாதுகாப்பாக கட்டப்பட்ட அணு நிலையம் ஆகும்.
டிரம்ப், “அவர்களின் அணு திட்டம் மலைக்குள் புதைக்கப்பட்டுள்ளது. அதை விரைவில் தாக்க வேண்டிய நிலை ஏற்படலாம்” என்று கூறியுள்ளார்.
ஈரானுக்கு எதிரான போர், 2026 பிப்ரவரி மாதம் அமெரிக்கா-இஸ்ரேல் தாக்குதல்களுடன் தொடங்கியது. ஆனால், டிரம்ப், அணு குண்டுகளை பயன்படுத்த மாட்டேன் என்றும், அமெரிக்க தரைப்படை வீரர்களை அனுப்பும் திட்டமில்லை என்றும் தெளிவுபடுத்தினார்.
அவர், “மதர் ஆஃப் ஆல் பாம்ஸ்” எனப்படும் GBU-43/B MOAB குண்டு குறித்து பேசினாலும், அது அணு குண்டு அல்ல என்று விளக்கமளித்துள்ளார்.
இந்த அறிக்கை, உலகளவில் பெரும் கவனத்தை ஈர்த்துள்ளது. அமெரிக்கா, ஈரானின் அணு திட்டத்தை முறியடிக்க எவ்வளவு தீவிரமாக செயல்படுகிறது என்பதற்கான சான்றாக இது பார்க்கப்படுகிறது.
