ஹோர்முஸ் வழியாக பாதுகாப்பான கப்பல் போக்குவரத்து – உடன்பாட்டை எட்டியதாக அறிவிப்பு
ஹோர்முஸ் ஜலசந்தி வழியாகப் பாதுகாப்பான கப்பல் போக்குவரத்துப் பாதைகளை அமைப்பதற்கு ஓமானும் ஈரானும் ஓர் உடன்பாட்டை எட்டியுள்ளதாக வெளிநாட்டு ஊடகங்கள் தெரிவிக்கின்றன.
இது தொடர்பான ஒரு கூட்டு முன்மொழிவு சர்வதேச சமூகத்திடம் சமர்ப்பிக்கப்படும் என்று ஈரான் வெளியுறவு அமைச்சகத்தின் செய்தித் தொடர்பாளர் இஸ்மாயில் பாகாயி (Esmaeil Baghaei) தெரிவித்துள்ளார்.
பிராந்திய அமைதி மற்றும் கடல்சார் பாதுகாப்பை உறுதி செய்யும் நோக்கில் இரு நாடுகளும் இந்த உடன்பாட்டை எட்டியுள்ளதாக வெளிநாட்டு ஊடக அறிக்கைகள் தெரிவிக்கின்றன.
இந்தச் சிறப்பு முன்மொழிவு, ஹோர்முஸ் ஜலசந்தி வழியாகச் செல்லும் கப்பல் போக்குவரத்தின் பாதுகாப்பை மேலும் மேம்படுத்தி, சர்வதேச வர்த்தகத்திற்கு உகந்த சூழலை உருவாக்கும் என்று எதிர்பார்க்கப்படுகிறது.
பிராந்திய கப்பல் போக்குவரத்து நிலைமைகள் மற்றும் எரிசக்தி விநியோகப் பாதைகளின் நிலைத்தன்மையை உறுதி செய்வதற்கும் அதிக கவனம் செலுத்தப்பட்டுள்ளதாகத் தெரிவிக்கப்படுகிறது.
