விமான ஜன்னலின் இந்த ரகசியம் உங்களுக்கு தெரியுமா?

விமானத்தில் பயணம் செய்யும்போது, ஜன்னலின் கீழ்ப்பகுதியில் இருக்கும் சிறிய துளை பலரது கவனத்தையும் ஈர்க்கும். ஆனால் அது அலங்காரத்திற்காக செய்யப்பட்டதல்ல.

விமான ஜன்னல்கள் பொதுவாக மூன்று அடுக்குகளைக் கொண்டிருக்கும். பயணிகள் பார்க்கும் உட்புற அடுக்கு, நடுப்புற அடுக்கு மற்றும் வெளிப்புறத்தில் இருக்கும் வலுவான அடுக்கு என அவை அமைக்கப்படுகின்றன.

விமானம் அதிக உயரத்தில் பறக்கும்போது, விமானத்தின் உள்ளே அழுத்தம் அதிகமாகவும், வெளியே காற்றழுத்தம் மிகவும் குறைவாகவும் இருக்கும். இந்த அழுத்த வேறுபாட்டைச் சமாளிக்க விமான ஜன்னலின் அடுக்குகளுக்கு இடையே காற்று சரியாகச் செல்ல வேண்டியது அவசியம்.

அதற்காகவே “breather hole” அல்லது “bleed hole” என்று அழைக்கப்படும் அந்தச் சிறிய துளை பயன்படுத்தப்படுகிறது.

இதற்கு மற்றுமொரு முக்கியமான காரணமும் இருக்கின்றது. இந்த துளை ஜன்னலின் வெளிப்புற அடுக்கில் ஏற்பட்ட அழுத்தத்தை நடுப்புற அடுக்கிற்கு மாற்ற உதவுகிறது.

இதனால், ஜன்னலின் வெளிப்புற அடுக்கு விமானத்தின் உள்ளேயுள்ள அழுத்தத்தைத் தாங்கும் முக்கியப் பொறுப்பை ஏற்கிறது.

மேலும், ஜன்னலின் அடுக்குகளுக்கு இடையே ஈரப்பதம் அதிகமாகச் சேர்வதை குறைக்கவும் இந்த அமைப்பு உதவுகிறது. இதனால் ஜன்னல் அதிகமாக மூடுபனி பிடிப்பதற்கான வாய்ப்பும் குறைகிறது என்றும் கூறப்படுகின்றது.