ஆண்டி பர்ன்ஹாம் (Andy Burnham) பிரதமரானால் நிதியமைச்சர் ரேச்சல் ரீவ்ஸ் நீக்கப்படலாம்: பிபிசி தகவல்!
பிரித்தானியாவின் புதிய பிரதமராக ஆண்டி பர்ன்ஹாம் (Andy Burnham) பதவியேற்கும் பட்சத்தில், தற்போதைய நிதியமைச்சர் ரேச்சல் ரீவ்ஸ் (Rachel Reeves) அந்தப் பதவியிலிருந்து நீக்கப்பட்டு, அவருக்குக் குறைந்த முக்கியத்துவமுடைய அமைச்சர் பதவி வழங்கப்படலாம் என பிபிசி செய்திச் சேவை தெரிவித்துள்ளது.
தொழிலாளர் கட்சியின் தலைமைப் பதவிக்கான போட்டியில் தற்போதைக்கு ஆண்டி பர்ன்ஹாம் மட்டுமே ஒரே வேட்பாளராக உள்ள நிலையில், அவர் தனது புதிய அமைச்சரவையை அமைப்பதற்கான முதற்கட்டப் பணிகளை ஆரம்பித்துள்ளார்.
கீர் ஸ்டார்மர் (Keir Starmer) பிரதமர் பதவியை ராஜினாமா செய்ததைத் தொடர்ந்து, பர்ன்ஹாம் புதிய பிரதமராகப் பதவியேற்பதற்கான வாய்ப்புகள் அதிகரித்துள்ளன.
எவ்வாறெனினும், அமைச்சரவை மாற்றம் குறித்து இறுதி முடிவுகள் எதுவும் இதுவரை எடுக்கப்படவில்லை என பர்ன்ஹாமின் ஊடகப் பேச்சாளர் தெரிவித்துள்ளார்.
இதேவேளை, புதிய பிரதமராக ஆண்டி பர்ன்ஹாம் பதவியேற்றால், பாதுகாப்புச் செலவீனங்களை அதிகரிப்பது மற்றும் நாட்டின் பொருளாதாரக் கொள்கைகளை கையாள்வது போன்ற சவால்களை அவர் உடனடியாக எதிர்கொள்ள நேரிடும் என அரசியல் ஆய்வாளர்கள் சுட்டிக்காட்டியுள்ளனர்.
