10 ஆண்டுகளில் மாறும் 7-வது பிரித்தானிய பிரதமர்; ஸ்டார்மருக்கு அடுத்து யார்?
பிரித்தானியாவில் கடந்த 10 ஆண்டுகளில் ஏழாவது பிரதமர் பதவி மாற்றம் நடைபெறவுள்ளது.
1- டேவிட் கேமரூன் (2010-2016) – பிரெக்ஸிட் வாக்கெடுப்பு முடிவுக்குப் பிறகு ராஜினாமா செய்தார்.
2- தெரசா மே (2016-2019) – தனது பிரெக்ஸிட் ஒப்பந்தத்திற்கு நாடாளுமன்ற ஒப்புதலைப் பெறத் தவறியதால் பதவி விலகினார்.
3- போரிஸ் ஜான்சன் (2019-2022) – பிரெக்ஸிட்டை நிறைவு செய்த போதிலும், ஊழல்கள் மற்றும் அமைச்சர்கள் கிளர்ச்சிகளைத் தொடர்ந்து ராஜினாமா செய்தார்.
4- லிஸ் டிரஸ் (செப்டம்பர்-அக்டோபர் 2022) – 49 நாட்கள் மட்டுமே பணியாற்றி ராஜினாமா செய்தார்.
5- ரிஷி சுனக் (அக்டோபர் 2022-ஜூலை 2024) – 2024 மாதங்கள் பதவியில் இருந்த பிறகு ஸ்டார்மரிடம் பொதுத் தேர்தலில் தோல்வியடைந்தார்.
6- கெய்ர் ஸ்டார்மர் (2024-2026) – இப்போது ராஜினாமா செய்கிறார்.
பிரித்தானிய பிரதமர் மற்றும் லேபர் கட்சி தலைவர் கெய்ர் ஸ்டார்மர் திங்கட்கிழமை (22 ஜூன் 2026) தனது ராஜினாமாவை அறிவித்தார்.
இதன் மூலம், அடுத்த மாதம் பிரித்தானியாவின் புதிய பிரதமராக ஆன்டி பர்னாம் (Andy Burnham) பதவி ஏற்கும் வாய்ப்பு அதிகரித்துள்ளது.
ஸ்டார்மர் தனது கட்சியின் எதிர்பார்ப்புகளை கவனத்தில் கொண்டு, “நான் இனி அடுத்த பொதுத் தேர்தலுக்கான சரியான தலைவர் அல்ல” என்று உணர்ந்ததாக உணர்ச்சிமிகு உரையில் தெரிவித்தார். அவர் தனது குடும்பத்தினருக்கு நன்றி தெரிவிக்கும் போது கண்ணீர் மல்கினார்.
அவரது ராஜினாமா அறிவிப்புக்குப் பிறகு, லேபர் கட்சியில் பெரிய போட்டி இல்லாமல் பர்னாம் தலைவராக தெரிவு செய்யப்படுவார் என எதிர்பார்க்கப்படுகிறது. முன்னாள் சுகாதார அமைச்சர் வெஸ் ஸ்ட்ரீட்டிங் உள்ளிட்ட பலர் பர்னாமிற்கு ஆதரவு தெரிவித்துள்ளனர்.
பர்னாம் சமீபத்தில் மேக்கர்ஃபீல்டில் நடைபெற்ற தேர்தலில் வெற்றி பெற்று, லேபர் கட்சிக்கு புதிய நம்பிக்கையை அளித்தார். வலுவான தொடர்பு திறன்களால் பிரபலமான பர்னாம், கட்சியின் ஆதரவை மீண்டும் பெறுவார் என பலர் நம்புகின்றனர்.
பர்னாம் தனது முழுமையான கொள்கை திட்டத்தை இன்னும் வெளியிடவில்லை என்றாலும், வாழ்வாதாரச் செலவுகளை குறைப்பதில் கவனம் செலுத்துவார் என எதிர்பார்க்கப்படுகிறது.
