30 நாட்களுக்கு 30 நிமிடங்கள் நடந்தால் என்ன நன்மை தெரியுமா?

தொடர்ந்து 30 நாட்களுக்கு, தினமும் 30 நிமிடங்கள் நடந்தால், உங்கள் ஆரோக்கியத்தில் அது பல மாற்றங்களை கொண்டு வரும்.

30 நாட்களுக்கு நடைபயிற்ச்சி

தற்போதெல்லாம் ஒவ்வொருவரும் தங்கள் வாழ்க்கை முறையை மிக மோசமாக வாழ்ந்துகொண்டிருக்கிறார்கள். தங்களுடைய ஆரோக்கியத்தில் தற்போது கவனம் செலுத்துவது இல்லை.

தற்போது உடற்பயிற்சியை விட எல்லோரும் நடைபயிற்ச்சியைவிரும்புகிறார்கள். நடைப்பயிற்சி ஆரோக்கியத்திற்கு ஒரு வரப்பிரசாதம். தினசரி நடைப்பயிற்சி உடல் எடையைக் குறைக்கவும், இதய ஆரோக்கியத்தை மேம்படுத்தவும் உதவுகிறது.

இதய ஆரோக்கியத்திற்கு

• தினமும் அரை மணி நேரம் நடப்பது உங்கள் இதயத் துடிப்பையும் இரத்த ஓட்டத்தையும் மேம்படுத்துகிறது. இது உங்கள் உயர் இரத்த அழுத்தம் மற்றும் கெட்ட கொழுப்பைக் குறைக்க உதவுவதோடு, இதய நோய் ஏற்படும் அபாயத்தையும் கணிசமாகக் குறைக்கிறது.

உடல் எடை கட்டுப்பாடு 

• கடினமான உடற்பயிற்சி இல்லாமல் உடல் எடையைக் குறைக்க விரும்பினால், நடைப்பயிற்சி சிறந்த தேர்வாகும். தினமும் 30 நிமிடங்கள் விறுவிறுப்பாக நடப்பது சுமார் 150 முதல் 200 கலோரிகளை எரிக்கிறது. 30 நாட்களுக்குள், உங்கள் இடுப்பளவிலும் தொப்பைக் கொழுப்பிலும் ஒரு குறிப்பிடத்தக்க வித்தியாசத்தை நீங்கள் காண்பீர்கள்.

மன அழுத்தம் போக்குகிறது

• நடைப்பயிற்சி உடலில் எண்டோர்பின்கள் மற்றும் செரோடோனின் போன்ற மகிழ்ச்சியைத் தரும் ஹார்மோன்களை வெளியிடுகிறது. இந்த ஹார்மோன்கள் மன அழுத்தம், பதட்டம் மற்றும் மனச்சோர்வைக் குறைக்கின்றன. 30 நாட்களின் முடிவில், நீங்கள் முன்பை விட மகிழ்ச்சியாகவும் புத்துணர்ச்சியுடனும் உணர்வீர்கள்.

ஆற்றல் மற்றும் சகிப்புத்தன்மை

• முதல் சில நாட்களில் நீங்கள் சற்றே சோர்வாக உணரலாம், ஆனால் 30 நாட்களின் முடிவில், உங்கள் சகிப்புத்தன்மையும் ஆற்றல் அளவும் கணிசமாக அதிகரித்திருக்கும். மேம்பட்ட நுரையீரல் ஆக்ஸிஜன் கொள்ளளவு, நாள் முழுவதும் உங்களைச் சுறுசுறுப்பாக வைத்திருக்கும்.

மேம்பட்ட செரிமானம்

• இரவு அல்லது மதிய உணவிற்குப் பிறகு 30 நிமிடங்கள் நடைப்பயிற்சி மேற்கொள்வது, உணவை எளிதாகச் செரிமானம் செய்ய உதவுகிறது. மேலும் இது வளர்சிதை மாற்றத்தை வேகப்படுத்துவதால், மலச்சிக்கல், அமிலத்தன்மை மற்றும் வயிறு உப்புசம் போன்ற பிரச்சனைகளைத் தணிக்க உதவும்.

வலுவான எலும்புகள்

• நடைப்பயிற்சி என்பது உடலுக்கு எடை தரும் ஒரு சிறந்த உடற்பயிற்சியாகும். இது உங்கள் கால்கள் மற்றும் இடுப்பு எலும்புகளை வலுப்படுத்தி, மூட்டுகளின் நெகிழ்வுத்தன்மையை மேம்படுத்துகிறது. இதன் மூலம் ஆஸ்டியோபோரோசிஸ் மற்றும் கீல்வாதம் ஏற்படும் அபாயத்தைக் குறைக்கிறது.