தமிழக தேர்தல் இன்று : இலங்கையிலும் அதிகரிக்கும் எதிர்பார்ப்பு
தமிழக சட்டப்பேரவைத் தோ்தல் வாக்குப் பதிவு இன்று (23.04.2026) காலை 7 மணிக்கு தொடங்கி மாலை 6 மணி வரை நடைபெறவுள்ளது.
இதையொட்டி தமிழகத்திலுள்ள மாநிலம் முழுவதும் பலத்த பாதுகாப்பு ஏற்பாடுகள் செய்யப்பட்டுள்ளன.
நான்கு முனைப் போட்டி
தமிழக சட்டப்பேரவைத் தோ்தலில் 5.73 கோடி வாக்காளர்கள் வாக்களிக்க உள்ளனா்.
இதில், 14 இலட்சம் பேர் முதல் முறை வாக்காளர்களாக உள்ளனர்.
மாநிலம் முழுவதும் 75,064 வாக்களிப்பு நிலையங்கள் அமைக்கப்பட்டுள்ளன.
மொத்தமுள்ள 234 தொகுதிகளில் 4,023 வேட்பாளா்கள் போட்டியிடுகின்றனா். தமிழக பேரவைத் தோ்தலில் திராவிட முன்னேற்ற கழகம், அனைத்திந்திய அண்ணா திராவிட முன்னேற்றக் கழகம் மற்றும் நாம் தமிழர் கட்சி, தமிழக வெற்றிக் கழகம் ஆகிய நான்கு முனைப் போட்டி ஏற்பட்டுள்ளது.
தேர்தல் திகதி கடந்த மாா்ச் 15இல் அறிவிக்கப்பட்டதைத் தொடா்ந்து, கடந்த ஒரு மாதத்துக்கும் மேலாக நடைபெற்று வந்த தேர்தல் பிரசாரம் செவ்வாய்க்கிழமை(ஏப். 20) மாலை 6 மணியுடன் நிறைவடைந்தது.
