வேல்ஸ் தேர்தல் விவாதத்தில் சுகாதார சேவைக்காக தலைவர்களிடையில் கருத்து மோதல்!
வேல்ஸ் (Wales) நாட்டின் நாடாளுமன்றத் தேர்தலை முன்னிட்டு, ஆறு முக்கிய அரசியல் கட்சிகளின் தலைவர்கள் பங்கேற்ற நேரடி விவாதத்தில் ‘தேசிய சுகாதார சேவை’ (NHS) தொடர்பாக காரசாரமான விவாதங்கள் இடம்பெற்றன.
எதிர்வரும் மே 7-ஆம் திகதி நடைபெறவுள்ள தேர்தலை முன்னிட்டு, வேல்ஸ் ஊடகம் ஒன்று நடத்திய நேரடி விவாதத்தில் தொழிலாளர் கட்சி, கன்சர்வேடிவ் கட்சி , பிளைட் சிம்ரு உள்ளிட்ட ஆறு கட்சிகளின் தலைவர்கள் முதன்முறையாக நேருக்கு நேர் சந்தித்தனர்.
வேல்ஸ் மக்கள் எதிர்கொள்ளும் நீண்டகால சிகிச்சைக்காக காத்திருப்போர் பட்டியல் மற்றும் மருத்துவமனை நெருக்கடிகள் குறித்து இவர்கள் விவாதித்த நிலையில் குறித்த விவாதம் மிகவும் விறுவிறுப்பாக அமைந்தது.
இந்நிலையில் கட்சிகளின் தலைவர்கள் ஒவ்வொருவரும் தமது கருத்துக்களையும் முன்வைத்தனர்.
இதேவேளை, 7 லட்சத்திற்கும் அதிகமானோர் இன்னும் சிகிச்சைக்காகக் காத்திருப்போர் பட்டியலில் உள்ள நிலையில், இந்தத் தேர்தல் முடிவுகளில் சுகாதாரத்துறை ஒரு முக்கிய காரணியாக இருக்கும் என எதிர்பார்க்கப்படுகிறது.
