இலங்கையில் குடும்ப வாழ்க்கை சீர்குலைவதாக கொழும்பு பேராயர் எச்சரிக்கை!
இலங்கையில் குடும்ப வாழ்க்கையில் அதிகரித்து வரும் சிதைவு குறித்து கொழும்பு பேராயர் கார்டினல் மால்கம் ரஞ்சித் எச்சரித்துள்ளார்.
களுத்துறையில் உள்ள லூர்து அன்னை தேவாலயத்தில் ஆண்டுதோறும் நடைபெறும் விழாவில் பக்தர்களிடம் உரையாற்றிய பேராயர், நாட்டில் குடும்பக் கட்டமைப்புகளின் சரிவு “ஒரு ஆபத்தான தொற்றுநோய் போல” பரவி வருவதாகக் கூறினார்.
குடும்பம் சமூகத்தின் மிகச்சிறிய அலகு என்பதை வலியுறுத்திய அவர், பரந்த சமூகத்தின் ஸ்திரத்தன்மை வீட்டின் வலிமையைப் பொறுத்தது என்றார்.
“நமது காலத்தின் மிகப்பெரிய அழிவு குடும்ப வாழ்க்கையின் திட்டமிட்ட முறிவு ஆகும்,” என்று அவர் கூறினார்.
அவர் மேலும் தெரிவிக்கையில்,
இன்று இலங்கையில், இது ஒரு ஆபத்தான தொற்றுநோய் போல பரவியுள்ளது.
பல இளம் தம்பதிகள் உணர்ச்சிகள், உடல் ஈர்ப்பு அல்லது தற்காலிக மகிழ்ச்சியால் உந்தப்பட்டு திருமணத்திற்குள் நுழைகிறார்கள், ஆனால் விரைவில் அதைக் கைவிடுகிறார்கள்.
“பலருக்கு, திருமண வாழ்க்கை ஒரு விளையாட்டாக மாறிவிட்டது.
திருமணம் சமூகத்தின் அடித்தளத்தை உருவாக்குகிறது என்றும், வலுவான திருமண உறவுகள் நிலையான குடும்பங்களுக்கு வழிவகுக்கும் .
கத்தோலிக்க திருச்சபையின் போதனைகளின்படி, ஆரோக்கியமான சமூகத்திற்கு மட்டுமல்ல, திருச்சபை ஆன்மீக ரீதியாக வலுவாக இருக்கவும் விசுவாசமான குடும்ப வாழ்க்கை அவசியம் என மேலும் தெரிவலித்தார்.
