நச்சுப் பொருளின் அபாயம் காரணமாக, குழந்தைகளுக்கான பால்மா தொகுதிகளை மீளப் பெறும் நெஸ்லே நிறுவனம்
ஒரு வித நச்சுப் பொருளின் அபாயம் காரணமாக, நெஸ்லே நிறுவனம் குழந்தைகளுக்கான பால்மாவின் தொகுதிகளை மீளப் பெறுவதாக அறிவித்துள்ளது.
செருலைட்டின் சாத்தியமான இருப்பு காரணமாக, நெஸ்லே அதன் எஸ்எம்ஏ குழந்தை ஃபார்முலா மற்றும் ஃபாலோ-ஆன் ஃபார்முலாவின் குறிப்பிட்ட தொகுதிகளை மீளப் பெறுவதாக தெரிவிக்கப்பட்டுள்ளது.
இந்த நச்சுப்பொருள் அதிக வெப்பத்தைத் தாங்கும் தன்மை கொண்டது.
மேலும் சமைப்பதாலோ, கொதிக்கும் நீராலோ அல்லது குழந்தைகளுக்கான பால்மா தயாரிப்பதாலோ அழிக்கப்பட வாய்ப்பில்லை என்று உணவு தரநிலைகள் நிறுவனம் தெரிவித்துள்ளது.
ஒருமுறை உட்கொண்டால், குமட்டல், வாந்தி மற்றும் வயிற்றுப் பிடிப்புகள் உள்ளிட்ட அறிகுறிகள் விரைவாகத் தோன்ற வழிவகுக்கும் என்று அந்த நிறுவனம் தெரிவித்துள்ளது.
இந்த நடவடிக்கை ஒரு முன்னெச்சரிக்கை நடவடிக்கை என்றும், குழந்தைகளின் பாதுகாப்பு மற்றும் நல்வாழ்வு எங்கள் முழுமையான முன்னுரிமை” என்றும் நெஸ்லே நிறுவனம் அறிவித்துள்ளது.
இந்தத் தயாரிப்புகளை வைத்திருக்கக்கூடிய நுகர்வோர் தங்கள் குழந்தைக்கு வழங்க வேண்டாம் என அறிவுறுத்தப்பட்டுள்ளனர்.
மீளப் பெறுவதாக அறிவிக்கப்பட்டுள்ள தயாரிப்புகள் பிரித்தானிய மற்றும் அயர்லாந்தில் விற்பனைக்கு வந்துள்ளதாக தெரிவிக்கப்பட்டுள்ளது.
இந்நிலையில், குறிப்பிட்ட தொகுதி எண்கள் ணவு தரநிலைகள் நிறுவனம் மற்றும் நெஸ்லே வலைத்தளங்களில் பட்டியலிடப்பட்டுள்ளன.
