மற்றுமொரு நிவாரணத் தொகுதியுடன் வந்தது ஐக்கிய அரபு எமிரேட்ஸ் விமானம்

டித்வா சூறாவளியால் பாதிக்கப்பட்டவர்களுக்கு 27 மெட்ரிக் டன் நிவாரணப் பொருட்களை வழங்கும் வகையில் ஐக்கிய அரபு எமிரேட்ஸ் (யுஏஇ) இன்று தனது எட்டாவது மனிதாபிமான உதவி விமானத்தை இலங்கைக்கு அனுப்பியது.

ஐக்கிய அரபு எமிரேட்ஸ் விமானப்படையின் மிகப்பெரிய சரக்கு விமானமான C-17 விமானத்தில் இந்தப் பொருள் பண்டாரநாயக்க சர்வதேச விமான நிலையத்தை வந்தடைந்தது.

எட்டு பேர் கொண்ட ஒரு குடும்பத்திற்கு 14 நாட்களுக்கு உணவு வழங்கும் வகையில் வடிவமைக்கப்பட்ட 1,080 உணவுப் பொட்டலங்கள் இந்த விமானத்தில் இருந்ததாக அதிகாரிகள் தெரிவித்தனர்.