இங்கிலாந்து மருத்துவ சங்கத்தின் வேலைநிறுத்தம் குறித்து சுகாதாரச் செயலாளர் அதிருப்தி!

சுகாதாரச் செயலாளர் வெஸ் ஸ்ட்ரீட்டிங் (Wes Streeting) இங்கிலாந்து மருத்துவ சங்கம் (BMA) மீது கடும் அதிருப்தியைத் தெரிவித்துள்ளார்.

ஒப்பந்த பேச்சுவார்த்தைகளின் போது ஒப்புக்கொள்ளப்பட்ட ஆன்லைன் சந்திப்புகள் போன்ற சீர்திருத்தங்களை எதிர்ப்பதற்காகவும், தொடர்ந்து ஊதியக் கோரிக்கைகளுக்காகவும் அவர்களை புலம்பும் மினிஸ்’ மற்றும் ‘சிறுவர் குற்றவாளிகள்’ என்று அவர் விமர்சிக்கிறார்.

ஒப்பந்தத்தில் உள்ள நிபந்தனைகளை இங்கிலாந்து மருத்துவ சங்கத்தின் தலைவர் சரியாகப் படிக்கவில்லை என்று சுட்டிக்காட்டும் அவர், பெரும்பாலான மருத்துவர்கள் வெற்றிகரமாகச் செயல்படுத்தியுள்ள விடயங்களைச் சங்கம் நிராகரிப்பதாகவும் குற்றம் சாட்டியுள்ளார்.

டிசம்பர் 17ஆம் திகதி முதல் 22 வரை கிறிஸ்துமஸுக்கு முன்னர் நடத்தத் திட்டமிடப்பட்டுள்ள இளைய மருத்துவர்களின் வேலைநிறுத்தம் குறித்து ஸ்ட்ரீட்டிங் அதிக கவலை கொண்டுள்ளார்.

இதேவேளை, முந்தைய வேலைநிறுத்தங்களை சிறப்பாக கையாண்டாலும், விடுமுறை காலத்தில் எடுக்கப்படும் இந்த தொழில் நடவடிக்கை “ஆபத்தின் அளவு” மிக அதிகம் என்றும், இது நோயாளிகளுக்கு மோசமான விளைவுகளை ஏற்படுத்தும் என்றும் அவர் அஞ்சுவதாகத் தெரிவித்துள்ளார்.