சிட்னியை உருக்குலைத்த சூறாவளி!; 2 வது நாளாக மோசமான வானிலை

சிட்னியில் புதன்கிழமை (02) இரண்டாவது நாளாக மோசமான வானிலை நிலவியது.

சில சர்வதேச விமானங்கள் தாமதமாகின.

இது தவிர பாதகமான வானிலையால் சிட்னியின் ரயில் சேவைகளும் பாதிக்கப்பட்டுள்ளன.

அத்தியாவசியமற்ற பயணங்களைத் தவிர்க்குமாறு அதிகாரிகள் மக்களை வலியுறுத்தியுள்ளனர்.

வானிலை ஆய்வாளர்களால் “”bomb cyclone”” என்று விவரிக்கப்படும் கடலோர குறைந்த அழுத்த அமைப்பு, அவுஸ்திரேலியாவின் தென்கிழக்கு கடற்கரையை ஒரே இரவில் மணிக்கு 100 கிமீ (62 மைல்) வேகத்தில் வீசிய காற்றுடன் அடித்துச் சென்றது, மரங்களை வேரோடு சாய்த்து மின் கம்பிகளை சேதப்படுத்தியது.

புயலுக்குப் பின்னர் அவுஸ்திரேலியாவின் அதிக மக்கள் தொகை கொண்ட மாநிலமான நியூ சவுத் வேல்ஸில் 35,000 க்கும் மேற்பட்ட வீடுகள் மற்றும் கட்டிடங்களில் மின்சாரம் துண்டிக்கப்பட்டுள்ளதாக தரவுகள் தெரிவிக்கின்றன.

சிட்னிக்கு தெற்கே உள்ள இல்லவாரா பகுதியில் வெள்ளம் மற்றும் மரங்கள் முறிந்து வீழ்ந்ததால் பல சாலைகள் மூடப்பட்டுள்ளன.

மத்திய கடற்கரைப் பகுதியில் கடலோர அரிப்பு காரணமாக வெளியேற்ற உத்தரவுகள் பிறப்பிக்கப்பட்டன.

இதேவ‍ேளை, குறைந்த அழுத்த அமைப்பு வியாழக்கிழமை மற்றும் வார இறுதியில் நாட்டின் வடக்கு தீவுக்கு பலத்த மழை மற்றும் பலத்த காற்றைக் கொண்டு வரக்கூடும் என்று நியூசிலாந்தின் தேசிய நீர் மற்றும் வளிமண்டல ஆராய்ச்சி நிறுவனம் தெரிவித்துள்ளது.