சாதனையின் நாயகி பேரா. முனைவர். மரியதெரசா! …. மகாதேவ ஐயர் ஜெயராமசர்மா.

அன்னை தெரசா அரும்பணிகள் பலசெய்தார்.மரியதெரசா மாண்பு நிறை தமிழ் சுமந்து பணிசெய்ய எண் ணுகிறார்.  காரைக்காலில் 1955 ம் ஆண்டு பிறந்தார். கருவிலே திருவுடையாராய் பிறந்தவர் ஆதலால் கற் றவர் அவையில் முன்னிலை வகிக்கிறார். இவருக்குக் கற்பதைத் தவிர் வேறு எதுவுமே தெரியாது என் னும் அளவுக்கு கல்விப் புலத்தில் தலைநிமிர்ந்து நிற்கிறார் எனலாம்.

   முக்கால் அடி கொண்டது வள்ளுவம். ஆனால் அது பெரும் பொக்கிஷமாய் மிளிர்கிறது. குறு முனியாக இருப்பவர் அகஸ்தியர். அகஸ்தியர் இறைவனிடமே தமிழ் கற்றார் என்பது ஆன்றோர்  வாக்கு .தமிழின் கரு வூலமாய் அகஸ்தியரை அறிவுலகம் போற்றும் நிலையும் இருக்கிறது. உருவத்தால் குறளாயும் குறு முனி யாயும்  விளங்கும் முனைவர் பேராசிரியர் மரியதெரசா தனக்குப் பின்னால் நீண்டதோர் வரிசையில் பல பட்டங்களை இணைத்து கற்றலில் உயர் நிலை எய்தி  ஒளிவிட்டு பிரகாசித்து நிற்கிறார் எனலாம். எம்.ஏ ,   பி.எச்டி தமிழ் , எம்.ஏ , பி.எட் , ஹிந்தி , எம்.ஏ ஆங்கிலம் , என்று இவரின் பட்டங்கள் இவரின் மூலதனங் களாய் இருக்கின்றன.செந்தமிழும் ஆங்கிலமும் சிறப்பாக இந்தியும் சேர்த்த பல பட்டங்களால் மொழி யாளுமை மிக்கவராகவும் பட்டொளி பரப்பி நிற்கிறார்.

   பொள்ளாச்சி  N. G. M கல்லூரி இளங்கலை ப் பாடத்திட்டத்தில் , மதுரை காமராஜர் பல்கலைக்கழகத்து பாட நூலில் , தஞ்சை தமிழ்ப் பல்கலைக் கழகத்தில் , இவரது கவிதைகள் இடம் பெற்றிருக்கின்றன என்பது குறிஅப்பிடத் தக்கதாகும்.

  நிமிர்ந்த நடையும் நேர் கொண்ட பார்வையும் மிக்கவளாய் பெண் வர வேண்டும். சட்டங்கள் ஆள்வதும் பட்டங்கள் ஆள்வதும் பெண்களாய் அமைய வேண்டும் என்று ஆராக் காதல் கொண்டார் எங்கள் புரட்சிக் கவி பாரதி. பாரதியின் சிந்தனைக்கு ஏற்ப முனைவர் மரியதெரசா வாழ்வில் மலர்ந்திருக்கிறார் என்றே கருதுகிறேன். 2020 ம் ஆண்டில் யாழ்ப்பாணப் பல்கலைக்கழகத்தில் இடம் பெற்ற இரண்டாவது உலகத்  திருக்குறள் மாநாட்டில் இந்தப் புதுமைப் பெண்ணை , புரட்சிப் பெண்ணை சந்திக்க தமிழன்னை எனக்கு  துணை புரிந்தாள். அப்பொழுது இவரின் தோற்றமும் , இவரின் பணிவான நடத்தையும் , எதுவுமே தெரியா தவராய் தன்னைக் காட்டிக் கொண்ட எளிமையையும் இப்போது எண்ணிப் பார்க்கையில் – எனக்கு  பெரு வியப்பாயும்  , மலைப்பாகவுமே  இருக்கிறது. ” பணியுமாம் என்றும் பெருமை ” என்பதை பேரா. முனைவர் மரிய தெரசா நிரூபிப்பவராய் நான் உணர்ந்தேன். தமிழுக்காகவே வாழ்வு என்று தீர்மானித்த படியால் இந் தப் புதுமைப் பெண் இல்லறத்தையே நாடவே இல்லை. எழுதுவதும் ,  புத்தகங்களை வெளியிடுவதும் ,  உரைகள் ஆற்றுவதும் , கற்பவர்களை ஆற்றுப் படுத்துவதுமே பெரும்பணி என்று தன் வாழ்க்கைப் பயணத்தை தொடருகிறார்.

 பேராசிரியராய் இருந்து பல மாணவச் செல்வங்களை உருவாக்கிய தமிழ்ச் செம்மல் முனைவர் மரிய தெரசா அவர்கள் நலமோடும் வளமோடும் நிறைவோடும் தமிழுலகில் நீண்டநாள் வாழ்ந்து தமிழ்ப் பணிகள் ஆற்றிட  அகமார வாழ்த்தி மகிழ்கின்றேன். இறையருள் நிறையட்டும். வாழ்க வளமுடன்

மகாதேவ ஐயர் ஜெயராமசர்மா