அமொிக்காவுக்கு அருகே கியூபாவில் நிற்கும் ரஷ்யாப் போர்க் கப்பல்கள்!
அமெரிக்காவுக்கு அருகே கரீபியனில் திட்டமிட்ட கடற்படைப் பயிற்சிகளுக்காக ரஷ்யாவின் போர்க் கப்பல்களின் ஒரு பகுதி கீயூபாவை வந்தடைந்ததுள்ளன.
உக்ரேனின் இரண்டாவது பெரிய நகரமான கார்கிவ்வை பாதுகாப்பதற்காக ரஷ்யாவிற்குள் தாக்குதல் நடத்துவதற்கு உக்ரேனில் அமெரிக்கா அனுப்பிய ஆயுதங்களைப் பயன்படுத்துவதற்கு ஜனாதிபதி ஜோ பிடன் அங்கீகாரம் அளித்த இரண்டு வாரங்களுக்குள் ரஷ்யப் போர்க் கப்பல்கள் அமெரிக்க எல்லையை வந்தடைந்தன.
கரீபியன் கடலில் திட்டமிடப்பட்ட பயிற்சிகளுக்கு முன்னதாக ரஷ்ய கடற்படை கப்பல்கள் புதனன்று அமெரிக்காவின் தெற்கு மாநிலமான புளோரிடாவின் முனையிலிருந்து சுமார் 145 கிலோமீட்டர் (90 மைல்) தொலைவில் உள்ள ஹவானா துறைமுகத்திற்குள் நுழைந்தன.
அமெரிக்காவும் கியூபாவும் கப்பல்கள் எந்த அச்சுறுத்தலையும் கொண்டிருக்கவில்லை என்று கூறியிருந்தாலும், கப்பல்களின் வருகை உக்ரைன் போரில் அதிக பதட்டங்களுடன் ஒரு ரஷ்ய படையின் அமெரிக்காவின் எல்லைப் பகுதியில் காணப்படுகிறது.
முதலில் “காடெமிக் பாஷின்” என்ற எரிபொருள் கப்பல் மற்றும் “நிகோலாய் சிக்கர்” என்ற இழுவைக் கப்பல் வந்தடைந்தது. பின்னர் கரையோரத்தில் காத்திருந்த அட்மிரல் கோர்ஷ்கோவ் என்ற முதன்மை போர்க்கப்பலும் இணைந்தது. இதற்கிடையில், அணு ஆயுதங்களை எடுத்துச் செல்லவில்லை என்று கியூபா கூறும் அணுசக்தியால் இயங்கும் நீர்மூழ்கிக் கப்பல் கசான் கரையோரத்தில் காத்திருந்தது.
ரஷ்யா, அமெரிக்க எதிரிகளான வெனிசுலா மற்றும் கியூபா ஆகிய இரு நாடுகளுக்கும் நீண்டகால நட்பு நாடாகும். மேலும் அதன் கடற்படை கப்பல்கள் மற்றும் விமானங்கள் அவ்வப்போது கரீபியன் தீவுகளுக்குள் நுழைந்து வருகின்றன என்பதும் குறிப்பிடத்தக்கது.
