காசாவில் இஸ்ரேல் இராணுவத்தின் கட்டுப்பாட்டுப் பகுதி விரிவாக்கம்

காசாவின் மத்திய பகுதியில் அமைந்துள்ள அல் மகாசி அகதிகள் முகாமின் கிழக்குப் பகுதியில், இஸ்ரேல் இராணுவம் தனது கட்டுப்பாட்டுப் பகுதியை மேலும் விரிவுபடுத்தியுள்ளதாக சர்வதேச ஊடகங்கள் செய்தி வெளியிட்டுள்ளன.

சர்வதேச தகவல்களின்படி, கடுமையான துப்பாக்கிச் சூடு மற்றும் தீவிர ஏவுகணை தாக்குதல்களுக்கு மத்தியில், இஸ்ரேல் இராணுவம் தனது கட்டுப்பாட்டைக் குறிக்கும் ‘மஞ்சள் கோட்டை’ (Yellow Line) மேலும் முன்னோக்கி நகர்த்தியுள்ளது.

காசாவில் இஸ்ரேல் இராணுவம் தனது கட்டுப்பாட்டில் உள்ள பகுதிகளைத் தொடர்ந்து விரிவுபடுத்தி வருவதாகவும், இதனால் பாலஸ்தீன மக்கள் குறுகிய பகுதிகளுக்குள் அதிக நெருக்கடியில் வாழ வேண்டிய நிலைக்குத் தள்ளப்படுவதாகவும் தகவல்கள் தெரிவிக்கின்றன.

ஒப்பீட்டளவில் பாதுகாப்பானவை எனக் கருதப்படும் பகுதிகள்கூட தொடர்ச்சியான தாக்குதல்கள் மற்றும் பாதுகாப்பு மீறல்களுக்கு உள்ளாகி வருவதாகக் கூறப்படுகிறது.

குறிப்பாக, ட்ரோன் தாக்குதல்கள் காரணமாகப் பொதுமக்களின் பாதுகாப்பு குறித்த கவலைகள் அதிகரித்துள்ளன.

காசாவில் தொடர்ந்து அதிகரித்து வரும் இராணுவ நடவடிக்கைகள், ஏற்கெனவே நெருக்கடியான சூழலில் வாழும் பாலஸ்தீன மக்களின் மனிதாபிமான நிலைமையை மேலும் மோசமாக்கக்கூடும் என்ற அச்சம் நிலவுகிறது.