ஷிரந்தி ராஜபக்ச கைது விவகாரம்!; சட்டவிரோதக் கைது என முறைப்பாடு
முன்னாள் ஜனாதிபதி மகிந்த ராஜபக்சவின் மனைவி ஷிரந்தி ராஜபக்ச சட்டவிரோதமான முறையில் கைது செய்யப்பட்டுள்ளதாக முறைப்பாடு செய்யப்பட்டுள்ளது.
ஸ்ரீலங்கா பொதுஜன பெரமுனவின் சட்டத்தரணிகள் சங்கம், மனித உரிமைகள் ஆணைக்குழுவில் இது தொடர்பில் முறைப்பாடு ஒன்றை அளித்துள்ளது.
ஷிரந்தி ராஜபக்ச ஷ கைது செய்யப்பட்ட விவகாரம் மனித உரிமை மீறல் என சங்கம் சுட்டிக்காட்டியுள்ளது. இது எவ்வித நியாயமான அடிப்படையும் இன்றி மேற்கொள்ளப்பட்ட கைதாகும் என அந்த சங்கத்தின் சட்டத்தரணி அமிதிகா ரத்நாயக்க ஊடகங்களுக்குத் தெரிவித்துள்ளார்.
ஷிராந்தி ராஜபக்ஷ கைது செய்யப்பட்டது சட்டவிரோதமானது எனவும், அதற்கு உரிய அடிப்படை எதுவுமில்லை எனவும் சட்டத்தரணி சமன் கலப்பத்தி கூறினார்.
மேலும், இது அவரது அடிப்படை மனித உரிமைகளை மீறும் செயல் என சுட்டிக்காட்டியுள்ளார்.
அவரது கண் அறுவைச் சிகிச்சைக்கு அமைவாக தகுந்த மருத்துவரிடம் அவரை அனுப்பி பரிசோதிக்குமாறு நீதிமன்றம் பிறப்பித்த உத்தரவை சிறைச்சாலைகள் ஆணையாளர் உள்ளிட்ட அதிகாரிகள் புறக்கணித்து செயற்பட்டமை தொடர்பிலேயே மனித உரிமைகள் ஆணைக்குழுவில் முறைப்பாடு செய்துள்ளதாக சட்டத்தரணி மேலும் சுட்டிக்காட்டினார்.
