20,000 துருப்புகள் 150 பேர் விமானங்களை மத்தியக் கிழக்கிற்கு அனுப்ப தயாராகும் அமெரிக்கா
ஈரானுக்கு எதிரான பெரிய அளவிலான தாக்குதல்களை மீண்டும் தொடங்குவதா வேண்டாமா என்று அதிபர் டொனால்ட் ட்ரம்ப் பரிசீலித்து வரும் நிலையில், அமெரிக்க இராணுவம் மூன்று விமானம் தாங்கி கப்பல்களையும் அவற்றுடன் செல்லும் போர்க்கப்பல்களையும் மத்திய கிழக்குக்கு அனுப்பத் தயாராகி வருவதாக தகவல் வெளியாகியுள்ளது.
இதன் மூலம், ஏறக்குறைய 20,000 வீரர்கள் மற்றும் 150 போர் விமானங்கள் வரை கொண்ட ஒரு படை மத்தியக்கிழக்கில் நிலைக்கொள்ளும் என எதிர்பார்க்கப்படுகிறது.
ஈரான் போரில் மிகவும் உணர்திறன் வாய்ந்த ஒரு தருணத்தில் இந்த சாத்தியமான படைக் குவிப்பு நிகழ்கிறது.
இதற்கிடையே நேற்றைய தினம் பத்திரிக்கையொன்றுக்கு பேட்டியளித்த ட்ரம்ப், நவம்பர் மாத இடைக்காலத் தேர்தல்களுக்குப் பிறகு ஈரான் மீதான குண்டுவீச்சை அமெரிக்கா அதிகரிக்கக்கூடும் என்று கூறினார்.
சாத்தியமான இலக்குகள் குறித்து விவாதிக்க அவர் மறுத்துவிட்டார், ஆனால் வாஷிங்டன் தனது ஆயுதக் கையிருப்பை நிரப்புவதற்காக பல மாதங்களைச் செலவிட்டுள்ளது என்று தெரிவித்துள்ளமை குறிப்பிடத்தக்கது.
