அரசின் நேரடி கண்காணிப்பில் ஸ்மார்ட்போன்கள் – கண்காணிக்கப்படும் வடகொரிய மக்கள்

வட கொரிய ஸ்மார்ட்போன்களைப் பகுப்பாய்வு செய்ததில், “தென் கொரியா” என உள்ளிடும்போது, ​​உரை உடனடியாக “தடைசெய்யப்பட்ட சொல் என மாறுவது தெரியவந்தது.

அதே நேரத்தில் வட கொரியத் தலைவர் கிம் ஜாங்-உன்னின் பெயர் தானாகவே தடித்த எழுத்துக்களில் காட்டப்படுகிறது.

அமெரிக்காவின் வால் ஸ்ட்ரீட் ஜர்னல் (WSJ), 2023 இல் தயாரிக்கப்பட்ட வட கொரிய ஸ்மார்ட்போனான “ஹேயாங் 701” ஐப் பெற்றுப் பகுப்பாய்வு செய்தது.

மற்ற ஸ்மார்ட்போன்களைப் போலவே, இதுவும் குரல் அழைப்புகள், குறுஞ்செய்தி அனுப்புதல், பல்வேறு செயலிகள், QR குறியீடு மூலம் பணம் செலுத்துதல், பணம் அனுப்புதல் மற்றும் டாக்சி அழைப்பு போன்ற செயல்பாடுகளை ஆதரிக்கிறது.

பணம் அனுப்பும் திரையானது “உள்நாட்டு” மற்றும் “வெளிநாட்டு நாணயம்” எனப் பிரிக்கப்பட்டுள்ளது. இது டொலர் பரிமாற்றங்கள் சாத்தியம் என்பதைக் குறிக்கிறது.

இருப்பினும், இதனால் உலகளாவிய இணையத்தை அணுக முடியாது, மேலும் இது வட கொரிய அதிகாரிகளால் இயக்கப்படும் உள்நாட்டு internet -உடன் மட்டுமே இணைக்கப்பட்டுள்ளது.

கண்காணிப்பு அம்சங்களும் இதில் உள்ளமைக்கப்பட்டுள்ளன. ஸ்மார்ட்போன் தானாகவே பயனரின் திரைகளைப் படம்பிடித்து, அவற்றை ‘திரை வரலாறு’ (screen history) என்ற கோப்புறையில் சேமிக்கிறது.

மேலும், பயனர்களால் இந்தச் செயல்பாட்டை முடக்கவோ அல்லது சேமிக்கப்பட்ட படங்களை நீக்கவோ முடியாது. வெளிப்புற வீடியோக்கள் அல்லது தகவல்கள் அணுகப்பட்டுள்ளனவா என்பதைக் கண்காணிக்கும் ஒரு சாதனமாக இது கருதப்படுகிறது.

தென் கொரிய மற்றும் அமெரிக்க உள்ளடக்கங்களைக் காண முடியாது. ஒரு ‘கால்பந்து விளையாட்டில்’ (soccer game), தேர்ந்தெடுக்கக்கூடிய நாடுகளின் பட்டியலில் தென் கொரியாவும் அமெரிக்காவும் இடம்பெறாது.