உயர் இரத்த அழுத்தம் மாரடைப்பை ஏற்படுத்தக்கூடும் – இந்த அறிகுறிகள் இருக்கா?

உயர் ரத்த அழுத்தம் ஒருவருக்கு இருந்தால் அது மாரடைப்பை உண்டாககும்.

 உயர் ரத்த அழுத்தம்

உயர் இரத்த அழுத்தம் ஒரு அமைதியான கொலையாளி என மருத்துவர்கள் எச்சரிக்கின்றனர். காரணம் இதன் அறிகுறிகள் பெரும்பாலும் நீண்ட காலத்திற்கு நமது உடலில் அமைதியான நாம் அனேகமாக கவனிக்க முடியாத அறிகுறிகளே காட்டும்.

இதனால் இது உடலில் இது மெதுவாக உடலுக்கு கடுமையான பாதிப்பை ஏற்படுத்துகிறது. புது தில்லியில் உள்ள PSRI மருத்துவமனையின் மூத்த இதயநோய் ஆலோசகரான டாக்டர் ரவி பிரகாஷ், உயர் இரத்த அழுத்தம் எவ்வாறு மாரடைப்புக்கு வழிவகுக்கும் என்பதை விளக்கி உள்ளார்.

உயர் இரத்த அழுத்தத்திற்கும் மாரடைப்பிற்கும் நேரடித் தொடர்பு உள்ளது. நாள்பட்ட உயர் இரத்த அழுத்தம் தமனிகளைச் சேதப்படுத்துவதால், அவற்றில் கொழுப்பும் கொலஸ்ட்ராலும் தேங்குகின்றன.

இது திடீர் மாரடைப்பு ஏற்படும் அபாயத்தை அதிகரிக்கக்கூடும். இதன் அறிகுறிகள் பற்றி பார்க்கலாம்.

 அறிகுறிகள்

• நெஞ்சு வலி அல்லது அழுத்தம்,
• மூச்சுத் திணறல்,
• திடீர் அதீத சோர்வு,
• தலைச்சுற்றல்,
• வேகமான இதயத் துடிப்பு,
• தலைவலி மற்றும் அதிகப்படியான வியர்வை ஆகியவை உடனடிக் கவனம் தேவைப்படும் அறிகுறிகளாகும்.
• சில நேரங்களில் வலியானது நெஞ்சுப் பகுதிக்கு மட்டும் மட்டுப்படுத்தப்படாமல், தாடை, கழுத்து, தோள்பட்டை, முதுகு அல்லது இடது கைக்கும் பரவக்கூடும்.

பெண்களுக்கும் முதியவர்களுக்கும் அறிகுறிகள் வேறுபடும்

பெண்களுக்கும் முதியவர்களுக்கும் மாரடைப்பின் அறிகுறிகள் வேறுபடலாம்.

கடுமையான நெஞ்சு வலிக்குப் பதிலாக, அவர்களுக்கு பலவீனம், குமட்டல், அஜீரணம், அமைதியின்மை அல்லது மூச்சுத்திணறல் போன்ற அறிகுறிகள் ஏற்படலாம்.

இந்த அறிகுறிகளைச் சிறியவை எனக் கருதிப் புறக்கணிப்பது ஆபத்தானது.

மாரடைப்பு அதிகரிக்கும் காரணிகள்

எனவே, வழக்கமான இரத்த அழுத்தப் பரிசோதனைகள், சமச்சீரான உணவு, குறைந்த அளவு உப்பு உட்கொள்ளல், தினசரி உடற்பயிற்சி மற்றும் மன அழுத்த மேலாண்மை ஆகியவை அவசியமானவை.

திடீரென நெஞ்சில் அழுத்தம், சுவாசிப்பதில் சிரமம், அதீத பலவீனம் அல்லது வழக்கத்திற்கு மாறான அசௌகரியம் ஏற்பட்டால், அதைப் புறக்கணிக்காமல் உடனடியாக மருத்துவரை அணுகவும்.