சுறுசுறுப்பாக இயங்கிய ஜப்பான்!… விறுவிறுப்பாக தொடர்ந்த பயணம்!!…  தொடர் – 03….. சங்கர சுப்பிரமணியன்

அடுத்ததாக மொழிப் பிரச்சனை. மேலும் டிரான்சிட் என்று சொல்லப்படும் பயணத்தில் கடந்து போகும் இடம். குவாங்சௌ பையுன் பன்னாட்டு விமான நிலையம் பிரம்மாண்டமாக இருந்தாலும் பெரும்பாலான பயணிகள் டிரான்ஸிட்டுக்காக சிங்கப்பூர் சாங்கி விமான நிலையத்தைத்தான் தேர்வு செய்கிறார்கள். இவை போன்ற காரணங்கள் உள்ளன.

முதலில் வந்த விமானத்தைப் போன்று இந்த விமானத்தில் விளம்பரங்கள் ஏதும் இல்லை. இந்த விமானத்தில் வழங்கப்பட்ட உணவும் நன்றாகவே இருந்தது. சுமார் நான்கரை நேரப் பயணத்திற்கு பின் மாலை 3.00 மணயளவில் ஜப்பான் ஓஸாகா கன்சாய் பன்னாட்டு விமான நிலையத்தில் விமானம் தரை இறங்கியது. விமானத்தில் இருந்து இறங்கி பொதிகளைப் பெற்றபின் விமான நிலயத்தைவிட்டு வெளியேறும் முன் செய்யவேண்டிய பணிகள் இருந்தன.

இந்த கார்டைப் பயன்படுத்தும்முன் ஜப்பான் போக்குவரத்து பற்றி சொல்லியே ஆகவேண்டும். முதலாவதாக ஷின்கன்சன்(புல்லட் ட்ரெயின்), JR லைன்ஸ், தனியார் ரயில்வே மற்றும் சப்வே சிஸ்டம்ஸ் என்று பல ரயில்கள் ஓடுகின்றன.

இது தவிர பேருந்து, பதினேழு பதினொன்பது நகரங்களில் ஓடக்கூடிய ஸ்ட்ரீட் கார்ஸ் என்று சொல்லப்படும் ட்ராம்கள் மற்றும் வாடகை வாகனங்கள் என்பவை ஜப்பானின் நெரிசலான போக்கு வரத்துக்கு மிகவும் உதவுகின்றன. இவை அனைத்திலும் புல்லட் ட்ரெயினைத் தவிர இந்த ICOCA கார்டைப் பயன்படுத்தலாம்.

நான் ஒசாகாவில் இருந்து டோக்யோ போய்வரவும் மற்றும் ஒசாகாவில் இருந்து ஹிரோஷிமா சென்றுவரவும் புல்லட் ட்ரெயினில் முன்பதிவை ஆன்லைன் மூலம் செய்திருந்ததால் புல்லட் ட்ரெயினில் கார்டை பயன்படுத்த வேண்டிய அவசியம் இருந்திருக்கவில்லை. ஆனால் ஒசாகவில் இருந்து கியாடோ செல்லவும் அங்கிருந்து நாரா என்ற இடத்துக்கு செல்ல JR லைன்ஸிலும் பின் நாராவிலிருந்து லோகல் லைனில் இனாரி செல்லவும் ICOCA கார்டு பயன்பட்டது.

இது தவிர உணவகங்கள், பல்பொருள் அங்காடிகள், நுழைவுச் சீட்டு வாங்கவேண்டிய இடங்கள் என்று பணம் தேவைப்படும் இடங்களில் எல்லாம் இந்த கார்டு மிகவும் வசதியாக இருந்தது. இதைத்தவிர கார்டில் பணத்தை டாப் அப் செய்யவும் வசதி எல்லா செவன் லெவன் கடைகளிலும் இருந்தன. செவன் லெவன் கடைகளில் அவர்களது ATM களில் பன்னாட்டு கார்டுகளைப் பயன்படுத்தியும் பணம் பெற்றுக்கொள்ளலாம்.

மேலும் லாசன், பேமிலி மார்ட், 7-Bank ATMs,
சரங்கப்பாதை ரயில் நிலையங்கள், கன்வீனியன்ட் ஸ்டோர்ஸ், பேருந்து நிலையங்கள் மற்றும் விமான நிலையங்களிலும் டாப் அப் செய்யலாம். அத்தனை வசதிகள் உள்ளன. இதுபோல் ஒவ்வொரு கார்டுக்கும் சில சலுகைகள் உள்ளன.

இனிமேல் என் பயணத்தைப் பற்றி உங்களிடம் பகிர்ந்து கொள்கிறேன். சீனா சதர்ன் விமானம் மாலை மூன்று மணியளவில் ஒசாகா கன்சாய் பன்னாட்டு விமான நிலையத்தில் தரை இறங்கியது. நாங்கள் தங்கவேண்டிய தய்வா ராய்னட் ஓட்டல் சாகாய்சூஸி ஹொன்மாச்சி பிரிமியர் செல்ல முன்கூட்டியே ஆன்லைனில் ஏர்ப்போர்ட பிக்கப்புக்கு ஏற்பாடு செய்திருந்தேன்.

(தொடரும்….)