AI கருவியில் இருந்த தவறான ஆதாரங்கள் இஸ்ரேலிய கால்பந்து ரசிகர்கள் மீதான தடையை தொடர வழிவகுத்ததாக எம்.பி.க்கள் குற்றச்சாட்டு!
இஸ்ரேலிய கால்பந்து ரசிகர்களுக்குத் தடை விதிக்க (Microsoft’s Copilot) மைக்ரோசாஃப்ட் கோபைலட் (AI) வழங்கிய பிழையான தகவல்களை வெஸ்ட் மிட்லாண்ட்ஸ் காவல்துறை ஆதாரமாகக் கொண்டது பெரும் சர்ச்சையை ஏற்படுத்தியுள்ளது.
இதனால் உருவான தவறான புரிதல்கள் யூத சமூகத்திற்கும் காவல்துறைக்கும் இடையிலான உறவைப் பாதித்துள்ளதாக நாடாளுமன்றக் குழு சுட்டிக்காட்டியுள்ளது.
கடந்த 2024 ஆம் ஆண்டு மக்காபி vs அஜாக்ஸ் போட்டியில் அமைதியின்மை குறித்த ஆதாரங்களை வெஸ்ட் மிட்லாண்ட்ஸ் காவல்துறை எவ்வாறு பிரதிநிதித்துவப்படுத்தியது என்பதில் தற்போது முரண்பாடுகள் கண்டறியப்பட்டுள்ளது.
இந்நிலையில் முறையான ஆய்வு மற்றும் வெளிப்படைத்தன்மை இல்லாத காரணத்தால் காவல்துறைத் தலைவர் தனது பதவியை இழக்க நேரிட்டுள்ளது.
இதேவேளை, இந்தச் சூழலில், எதிர்காலத்தில் இது போன்ற தவறுகள் நடக்காமல் இருக்கவும், சமூக உறவுகளைச் சீரமைக்கவும் கடுமையான மாற்றங்கள் அவசியம் என்று நாடாளுமன்ற குழுவினர் வலியுறுத்துகின்றனர்.
போலித் தகவல்களைத் தவிர்க்கவும் ஜனநாயகப் பொறுப்புக்கூறலை உறுதிப்படுத்தவும் இச்சம்பவம் ஒரு உதாரணமாக அமைவதாகவும் சுட்டிக்காட்டப்பட்டுள்ளது.
