சர்வதேச மாணவர்களை பெரிதும் நம்பியிருக்கும் ஆஸ்திரேலிய பல்கலைக்கழகங்கள்
ஆஸ்திரேலியாவின் பழமையான மற்றும் மிகவும் மதிப்புமிக்க பல்கலைக்கழகங்கள் சர்வதேச மாணவர்களை பெரிதும் நம்பியிருப்பதாக புதிய ஆராய்ச்சி வெளிப்படுத்தியுள்ளது.
ஆஸ்திரேலிய பல்கலைக்கழக விண்ணப்பதாரர்களில் சர்வதேச மாணவர்களின் எண்ணிக்கை 2024 ஆம் ஆண்டில் அதிகரித்துள்ளது.
ஆஸ்திரேலியாவின் பழமையான பல்கலைக்கழகமான சிட்னி பல்கலைக்கழகம், கடந்த ஆண்டு அதன் மாணவர்களில் பெரும்பாலோர் சர்வதேச மாணவர்கள் என்று தெரிவித்துள்ளது.
Group of Eight என்று அழைக்கப்படும் ஆஸ்திரேலியாவின் மிகவும் பிரபலமான 8 பல்கலைக்கழகங்களும் 40 –50 சதவீதத்திற்கு இடையில் சர்வதேச மாணவர் எண்ணிக்கையைக் கொண்டுள்ளன.
மெல்போர்ன் பல்கலைக்கழகத்தில் 43 சதவீத மாணவர்களும், நியூ சவுத் வேல்ஸ் பல்கலைக்கழகத்தில் (UNSW) 46 சதவீத மாணவர்களும், ஆஸ்திரேலிய தேசிய பல்கலைக்கழகத்தில் (ANU) 40 சதவீத மாணவர்களும், குயின்ஸ்லாந்து பல்கலைக்கழகத்தில் 39 சதவீத மாணவர்களும், மோனாஷ் பல்கலைக்கழகத்தில் 37 சதவீத மாணவர்களும் உள்ளனர்.
சர்வதேச மாணவர்களில் அதிக எண்ணிக்கையிலானவர்கள் சீனாவைச் சேர்ந்தவர்கள், அதைத் தொடர்ந்து இந்தியா, நேபாளம், வியட்நாம் மற்றும் பிலிப்பைன்ஸ் ஆகிய நாடுகளைச் சேர்ந்தவர்களாகும்.
சீன மாணவர்கள் பல்கலைக்கழகத்தின் நற்பெயரில் அதிக அக்கறை கொண்டுள்ளனர் என்றும், இந்திய மற்றும் நேபாள மாணவர்கள் இடம்பெயர்வு விளைவுகளில் அதிக அக்கறை கொண்டுள்ளனர் என்றும் ஆய்வு காட்டுகிறது.
இந்த ஆண்டில் ஒகஸ்ட் மாதம் வரையிலான தரவுகளின்படி, 645,853 மாணவர்கள் மாணவர் விசாக்களிலும், 232,006 மாணவர்கள் பட்டதாரி தற்காலிக விசாக்களிலும் ஆஸ்திரேலியாவில் வசிக்கின்றனர்.
