எகிப்திய பிரமிட்டின் கீழ் மற்றொரு நகரம்?

எகிப்திய பிரமிடுகள் அவற்றின் கீழ் இரண்டாவது நகரத்தை மறைத்து வைத்திருப்பதாக தொல்பொருள் ஆய்வாளர்கள் கூறியுள்ளனர்.

மார்ச் மாதத்தில் அதே ஆராய்ச்சியாளர்கள் கிசா பிரமிடுகளில் ஒன்றின் கீழ் ரகசிய அறைகளைக் கண்டுபிடித்ததாகக் கூறியதைத் தொடர்ந்து இந்த அறிவிப்பு வந்துள்ளது.

அந்த நேரத்தில், நிபுணர்கள் அந்தக் கண்டுபிடிப்புகளை நிராகரித்தனர்.

தரையில் ஊடுருவும் ரேடார்களால் மேற்பரப்பிலிருந்து ஆயிரக்கணக்கான அடி கீழே எட்டிப் பார்க்க முடியாது என்று கூறினர்.

இத்தாலிய ஆராய்ச்சியாளர்களான கொராடோ மலங்கா, பிலிப்போ பயோண்டி மற்றும் அர்மாண்டோ மெய் ஆகியோர் மார்ச் மாதத்தில் ரேடார் துடிப்புகளைப் பயன்படுத்தி தரையை ஸ்கேன் செய்ததாகவும், காஃப்ரே பிரமிடுக்குக் கீழே 2,000 அடி உயர செங்குத்து அறைகளை கண்டறிந்ததாகவும் கூறினர்.

அவற்றில் மொத்தம் எட்டு சுழல் போன்ற கட்டமைப்புகள் சுற்றி சுழன்று கொண்டிருந்தன என்று அவர்கள் கூறினர்.

அறைகள், குழாய்கள் மற்றும் நீர் அமைப்பைக் கண்டுபிடித்ததாக ஆய்வாளர்கள் கூறுகின்றனர்.

இவை அனைத்தும் கனசதுர வடிவ அமைப்புகளாக ஒன்றிணைந்தன.

இந்த முறை அவர்கள் கிசாவில் உள்ள மூன்று முக்கிய பிரமிடுகளில் மிகச் சிறியதான மென்கௌர் பிரமிட்டின் கீழ் இதே போன்ற கட்டமைப்புகளைக் கண்டுபிடித்துள்ளனர்.

ஆய்வாளர்கள் தங்கள் கண்டுபிடிப்பு ஒரு நிலத்தடி நகரம் இருப்பதை நிரூபிக்கிறது என்று கருதுகின்றனர்.

மென்கௌரே மற்றும் காஃப்ரே இரண்டும் இணைக்கப்பட்டுள்ளதாகவும், இரண்டு பிரமிடுகளும் ஒரே தூண்களைப் பகிர்ந்து கொள்ள 90 சதவீத வாய்ப்பு இருப்பதாகவும் ஆய்வாளர்கள் கூறுகின்றனர்.

இந்த ஆய்வு எந்த அறிவியல் இதழிலும் முழுமையாக மதிப்பாய்வு செய்யப்படவில்லை அல்லது வெளியிடப்படவில்லை.

எவ்வாறெனினும், ஏனைய நிபுணர்கள் இந்த கூற்றுக்களை நிராகரித்து, இது ஒரு போலி செய்தி என்று கூறியுள்ளனர்.

பண்டைய மக்கள் இந்த பிரம்மாண்டமான, வானியல் ரீதியாக சீரமைக்கப்பட்ட கட்டமைப்புகளை எவ்வாறு கட்டினார்கள் என்பதைக் கண்டுபிடிக்காத நவீன மனிதர்களுக்கு எகிப்தில் உள்ள கிசா வளாகம் ஒரு மர்மமாகவே உள்ளது.

கிசா வளாகத்தில் குஃபு, காஃப்ரே மற்றும் மென்கௌர் பிரமிடுகள் மற்றும் கிரேட் ஸ்பிங்க்ஸ் ஆகியவை அடங்கும்.