பங்குச் சந்தை வீழ்ச்சிக்கு டிரம்ப் காரணமா?

இலங்கையிலிருந்து இறக்குமதி செய்யப்படும் பொருட்களுக்கு 44% வரி விதிக்க அமெரிக்க ஜனாதிபதி டொனால்ட் ட்ரம்ப் முடிவு செய்ததை அடுத்து, கொழும்பு பங்குச் சந்தை விலைச் சுட்டெண்ணில் குறிப்பிடத்தக்க சரிவு காணப்பட்டது.

இன்றைய நாளில் அனைத்து பங்கு விலைச் சுட்டெண் 349.84 புள்ளிகளால் சரிந்திருந்தது, அதே நேரத்தில் S&P SL20 குறியீடு 119.30 புள்ளிகளால் சரிந்திருந்தது.

அதன்படி, இன்றைய நாளுக்கான பரிவர்தனை முடிவில், அனைத்து பங்கு விலை குறியீட்டு மதிப்பு 15,657.60 அலகுகளாகவும், S&P SL20 குறியீட்டு மதிப்பு 4,643.32 அலகுகளாகவும் பதிவாகியுள்ளன.

இன்றைய நாளுக்கான பரிவர்த்தனையின் மொத்த புரள்வு 3.82 பில்லியன் என அறிவிக்கப்பட்டுள்ளது.