தொழிற்சாலைகளை பாதுகாக்கும் ரோபோ நாய்கள்

இங்கிலாந்தில் கார் தயாரிப்பு ஆலையில் உயிரில்லாத காவல் நாய்கள் கண்காணிப்பு பணியில் ஈடுபடுத்தப்பட்டுள்ளன. ரோபோ நாய்கள் எப்படி பாதுகாக்கும்.

வளர்ப்பு நாய்கள் வாலாட்டுவது மட்டுமல்ல நாம் என்ன சொன்னாலும் கேட்கக் கூடியவை. ஆனால் இங்கிலாந்தில் கார் தயாரிக்கும் ஆலையில் சுற்றிவரும் இந்த வளர்ப்பு நாய்களும் விசுவாசத்திலும், பணிவிலும் கொஞ்சமும் குறைந்தவை அல்ல. வித்தியாசம் என்வென்றால் இவை உயிரில்லாத உலோக நாய்கள்.

இங்கிலாந்தின் Wolverhampton-இல் உள்ள ஜாகுவார் லேண்ட் ரோவர் கார் தயாரிக்கும் ஆலையில்தான் காவல் பணிபுரிகின்றன இந்த ரோபோ நாய்கள். இது எலக்ட்ரிக் கார் தயாரிக்கும் ஆலை. இந்த ஆலையில் கண்காணிப்புக்கும், ஆய்வுக்கும் ரோபோ நாய்களை உருவாக்க பல ஆண்டுகளாக ஆராய்ச்சி நடந்து வந்த நிலையில், தற்போது அனைத்து தேர்விலும் தேர்ச்சி பெற்று ரோபோ நாய்கள் பணியில் சேர்ந்துள்ளன.