தமிழக அமைச்சரவையில் மாற்றம்: புதிய அமைச்சர்களுக்கான இலாக்காக்கள் ஒதுக்கீடு

தமிழக அமைச்சரவையில் நால்வருக்கு அமைச்சுப் பதவி வழங்கப்பட்டுள்ளதுடன் ஆறு அமைச்சர்களின் இலாகாக்கள் மாற்றம் செய்யப்பட்டுள்ளன.

மேலும் துணை முதலமைச்சராக உதயநிதி ஸ்டாலின் நேற்றிரவு நியமிக்கப்பட்டார்.

முன்னாள் அமைச்சர் செந்தில் பாலாஜி மீண்டும் மின்சாரத்துறை அமைச்சராக பதவியேற்றுள்ளார்.

இந்நிலையில், கிண்டியில் உள்ள ஆளுநர் மாளிகையில் இன்று நடைபெற்ற பதவியேற்பு நிகழ்வில், புதிய அமைச்சர்களுக்கு தமிழக ஆளுநர் ஆர்.என். ரவி பதவிப் பிரமாணம் மற்றும் இரகசிய காப்பு பிரமாணம் செய்து வைத்தார்.

பதவியேற்பு நிகழ்வைத் தொடர்ந்து புதிய அமைச்சர்களுக்கான இலாகாக்கள் ஒதுக்கீடு செய்யப்பட்டன.

புதிதாக பதவியேற்ற அமைச்சர்கள் மெரினாவில் உள்ள அண்ணா, கருணாநிதி நினைவிடங்களில் மலர்தூவி மரியாதை செலுத்தினர்.