பீகாரில் மின்னல் தாக்கி 12 பேர் உயிரிழப்பு: இறந்தவர்களின் குடும்பங்களுக்கு ரூபாய் 4 இலட்சம் இழப்பீடு

இந்தியா, பீகார் மாநிலத்தில் பெய்து வரும் கனமழையின் காரணமாக கடந்த 24 மணித்தியாலத்தில் மட்டும் 12 பேர் மின்னல் தாக்கத்துக்கு உள்ளாகி உயிரிழந்துள்ளனர்.

கடந்த 48 மணிநேரத்தில் மட்டும் 22 பேர் மின்னல் தாக்கத்துக்குள்ளாகி உயிரிழந்துள்ளதோடு கடந்த 10 நாட்களில் பீகாரின் பல்வேறு மாவட்டங்களில் 40க்கும் அதிகமானோர் மின்னல் தாக்கத்துக்கு இலக்காகி பலியாகியுள்ளனர்.

பீகாரின் முதலமைச்சர் இச் சம்பவத்துக்கு அவரது இரங்கலை தெரிவித்ததோடு, உயிரிழந்தவர்களின் குடும்பங்களுக்கு தலா ரூபாய் 4 இலட்சம் இழப்பீடாக வழங்கப்படும் என அறிவித்துள்ளதோடு, இடி, மின்னல் ஏற்படும்பொழுது மக்கள் கவனமாக இருக்க வேண்டும் எனவும் அறிவுறுத்தியுள்ளார்.