“அம்மாவின் சமையலறை வாசம்” … கவிதை … முல்லைஅமுதன்.

இல்லாமலாகிப் போன
அம்மா இருந்த வீடு சென்றிருந்தேன்.
வெறிச்சுப்போயிருந்தது.
பக்கத்துவீட்டிலிருந்த
தங்கை வத்தல்குழம்புடன்,
முரல்மீனும் பிடிக்குமே
என
தந்தாள்.
மறுநாள்
ஆட்டிறைச்சிக் கறி என
கொண்டுவந்தாள்.
வீடு நிறைந்திருந்தது
அம்மாவின் சமையலறை வாசம்.
கோடியில் கட்டியிருந்த அப்பாவின்
மீபிடி வலைகளும்,
முற்றத்தில் ஓடித்திரிந்த பறவியினங்களும்
இன்றும்
ஆயிரம் கதைகளைக் கொண்டுவந்து
மனதுள் கொட்டியது..
முல்லைஅமுதன்