அவர்பிரிவால் ஆன்மீகம் அறிவுலகம் அழுகிறதே!.. ( கவிதை ) …. கவிஞர் மகாதேவ ஐயர் ஜெயராமசர்மா.

ஆன்மீகம் தளைப்பதற்கு அறவுரைகள் வழங்கிநின்றார்
ஆங்கிலமும் சங்கதமும் அருந்தமிழும் பிணைத்துநின்றார்
மேன்மைமிகு  கீதையொடு மிகச்சிறந்த வள்ளுவத்தை
ஆதாரமாய் கொண்டார் அரனடியைச் சரண்புகுந்தார்                      

வேதபுரி தேர்ந்தெடுத்து தாமமர்ந்தார் சுவாமிகளும்
நாதமுடை ஓம்காரம் நற்பெயராய் ஆக்கிநின்றார்
பூதலத்தில் பொய்யகல வாய்மைநிறை வள்ளுவத்தை
ஓதிநின்றார் காதலுடன் உரைத்திட்டார் உணர்வுடனே             

அறமதனை அகமிருத்தி அவர்பணிகள் ஆற்றினரே
சகமனிதர் நலன்காக்கும் சன்மார்க்கம் காத்தனரே
பலகருத்தைப் பக்குவாய் பகர்ந்தாரே பலவிடங்கள்
பத்திரமாய் இருப்பதற்கும் கொடுத்தாரே எழுத்துருவில

 உலகமக்கள் உய்வதற்கு ஓம்காராநந்தா சுவாமிகள் 

தலைகனத்து நில்லாமல் தாழ்மையுடன் அவரிருந்தார்

 வழிநடந்த பக்தரெலாம் வடிக்கின்றார் கண்ணீரை