கார் போலக் கார் வேண்டும்!…( குறும் கதை )…. கே.எஸ்.சுதாகர்.

(50 வார்த்தைகளுக்குள் ஒரு குறும் கதை)

நாட்டுக்குப் புதிதாக வந்த நண்பர் கார் வாங்க உதவும்படி கேட்டார். அவருடன் போகாத இடங்கள் இல்லை. பார்க்காத கார்கள் இல்லை. சிலதைப் பார்த்தார். பலதைத் தவிர்த்தார்.

“ஏன் ஒன்றுமே பிடிக்கவில்லை?” சலிப்புடன் நான்.

“எனக்குக் கார் போலக் கார் வேண்டும்.” ஆர்வத்துடன் அவர்.

“அப்படி என்றாள்?”

“சிறுவயதில் எப்படிக் கார் வரைந்தீர்கள்? அந்த வடிவத்தில் கார் வேண்டும்!”

திகைத்துப் போனேன். இந்த மனிதர் எந்த உலகத்தில் இருக்கின்றார்?