முகநூல் குழுமங்களுக்கு/இலக்கிய அமைப்புகளுக்கு அன்பான வேண்டுகோள்!….

ஐபிஎல் கிரிக்கெட், ஒலிம்பிக் போட்டிகளும், பல்கலைக்கழக பட்டமளிப்பு விழாக்களும் தள்ளிவைக்கப்பட்டுள்ளது அனைவரும் அறிந்தது.

இன்று நமது மாநிலத்திலும் பள்ளிகளுக்கு விடுமுறை அளித்துள்ளது. வடமாநிலங்களில் கல்லூரிகளுக்கும் விடுமுறை கொடுக்கப்பட்டுள்ளது.

எனவே….

* முகநூல் குழுமங்கள் ஏப்ரல் இறுதிவரை கவியரங்குகள், ஆண்டுவிழாக்கள் போன்றவற்றை தவிர்த்திடுங்கள்.

* ஏப்ரல் / மே மாதங்களில் இந்த தாக்கம் தணிய வாய்ப்புள்ளது. எனவே ஜூன் மாதம் முதற்கொண்டு விழாக்களை நடத்தலாம்.

* வீட்டிலிருந்தபடியே கவிதை மற்றும் மற்றப் போட்டிகளில் கலந்துகொள்ளலாம்.

* நூல் தயாரிப்புக்கு உண்டான வேலைகளை செய்யலாம்

* சிறப்பாக இலக்கியப்பணிகளை இணையம் வழி பதிவிட்டு நேரத்தை பயனுள்ளதாக்கலாம்.

* குழுமங்கள் தங்களது ஆண்டுவிழாக்களை ஜூன் மாதத்துக்குப் பிறகு நடத்த சிறப்பான திட்டங்களை வகுத்துக் கொள்ளலாம்.

* இலக்கிய அமைப்புகள் போட்டிகளை நடத்தி வெற்றியாளர்களை இந்த இடைப்பட்ட காலத்தில் தெரிவு செய்து வைத்துக்கொள்ளலாம்.

* பள்ளிக்கூடங்கள் விடுமுறை அறிவித்ததால் வீட்டில் இருக்கும் குழந்தைகளுடன் நேரம் செலவழித்து அவர்களுக்கு கதைசொல்லியாக இருக்கலாம்.

* கொரோனா குறித்து மீம்ஸ், கேலி கிண்டலுடன் பதிவுகள், கவிதைகள் போடுவதை தவிர்த்து இளைய தலைமுறைக்கு வைரஸ் குறித்த விழிப்புணர்வை ஏற்படுத்துங்கள்.

இது ஒரு பீதி ஏற்படுத்தும் நோக்கமல்ல….வரும் முன் காக்கவேண்டும் என்ற எனது வேண்டுகோள் மட்டுமே.

நன்றியுடன்….

…..கா.ந.கல்யாணசுந்தரம்